Dula sa pangandoy ug panimalos

Paggawas nimo sa banyo, naabtan nimo si Ranil nga naghinuktok samtang naglingkod sa ngilit sa kama. Giduol mo siya og gipangutana.

"Anything wrong?" Giingnan mo siya.

Igo lang milingolingo si Ranil agi'g tubag sa imong pangutana.

"Di ka ba lang magpakisayod nganong di na ko virgin?" Laing pangutana ang imong gipasupot kaniya aron pagsuta kun unsay iyang gihunahuna.

"Di kana ang importante alang nako," maoy tubag ni Ranil. "Wa koy labot sa imong kagahapon. Ang importante alang nako mao nga ako nay tag-iya nimo karon."

"Nan, nganong naghinuktok ka man?"

"Morag maglisod man god ko pagtuo nga naangkon ko na ikaw.''

"Duna lang koy gustong i-clarify nimo, Ranil."

"Unsa kana?"

"I hate to be tied. Di mahimong panag-iyahon ko nimo sa hingpit. Kun naangkon mo man ako karon, inuslan mo lang kining higayona."

"Wa ko ikaw hisabti?"

"I'm sorry, Ranil. Pero nakahukom kong putlon na ang atong relasyon."

"U-unsa? Pero ngano man?"

"Simple lang ang hinungdan. Wa na koy gusto nimo."

"No. Di ko mosugot nga magbuwag ta."

"Di ka makapugos nako kun di na ko nimo."

Miduol si Ranil sa imong atubangan, Jamaica. Nakita mo nga iyang gipahit ang ubos niyang wait. Nabasa mo ang kapait nga iyang gibati nga mihun-ag  sa iyang panagway. Mibati kag kaluoy kang Ranil. Apan mipatigbabaw  ang personal mong interes.

"Sa ingon ba lang niini kasayon, Jamaica?" Nagkanayon si Ranil. "Imong bugtoon ang atong relasyon sa dakong kasayon? Tinud-anay baya ang ako nganha nimo."

"I'm sorry, Ranil," matud ko ngadto kaniya. "Pero gusto kong masayod ka nga sukad pa sa sinugdan, wa koy plano nga moseryoso sa pagpakigrelasyon nimo.'' (Sumpayan pa)