Dula sa pangandoy ug panimalos

Nagtuo si Ranil nga nagkomedya ka lang maong wala gayod siya mokihol bisan imo na siyang gihatagan og go signal pag-angkon sa imong pagka babaye. Igo lang siyang mitan-aw nimo nga nagbarog sa iyang atubangan samtang gitagsatagsa nimog panangtang ang tanan mga salimbong sa imong lawas. Nakapanglad-ok siya sa iyang laway.

"Makapaabot ko sa tukmang panahon, Jamaica," nagkanayon si Ranil. "Tungod kay gihigugma ko ikaw sa tinud-anay."

"Karon na ang tukmang panahon, Ranil,"giingnan mo siya.

"U-unsay buot mong ipasabot?"

"Nasayod kong dugay ka rang nangandoy pag-angkon sa akong pagka babaye apan maoy mipasulabi ang dako mong respeto nako. Panahon na nga bugtian ko ang imong pagsakripisyo ug pag-antos alang nako."

"Wa ko magkinahanglan og bugti sa akong gibuhat, Jamaica.'

"Nasayod ko. Pero akong kagustohan nga gantihan ka og kalipay. Itugyan ko kanimo ang akong kaugalingon uban sa kaluag sa kabubut-on.''

Sa makadiyot nagkatinutokay kamo si Ranil, Jamaica. Ingon sa nagsultihanay ang inyong mga panan-aw. Unya inanay nga nagkaduol ang inyong mga ngabil. Hangtod nga nag-akob kini sa pinadulot ninyong hinagkanay. Nagtinal-opay ang inyong mga dila.

Sa kahiladman sa imong kasingkasing, tinuod nga andam ka nang motugyan sa imong pagka babaye ngadto kang Ranil, Jamaica. Kini agi'g bayad sa dako mong utang kabubut-on kaniya tungod kay siya man ang naggasto sa imong pagtungha sa kolehiyo. Kun dili pa tungod kaniya, dili  ka unta makahuman og kurso kay wala may ikagasto ang imong mga ginikanan sa pagpatungha kanimo. Kadto gani si Jessa nga imong manghod nag-working man maong nakatapos kini sa pagtuon. Pero si Jessa ang nagsuporta sa inyong mga ginikanan maong wala kiniy ikagasto sa imong pagtuon. Mao nga dako gyod ang imong pagpasalamat nga miabot si Ranil sa imong kinabuhi.

Alang nimo, dili na big deal kun makig-sex ka ni Ranil. Total, dili ka  na man birhen nga pagka babaye. Bahala nag unsay mahitabo human sa inyong lovemaking session. Total, dili ka man sab seryoso sa inyong relasyon. (Sumpayan pa)