Sex Worker

Dihang naka-ejaculate na si Duane, mikawas siya gikan sa ibabaw sa akong lawas. Mihigda siya sa akong tupad ug nagpahuwas sa gibati niyang kakutas.

"Imo ning bahin sa atong nakolekta," nagkanayon si Duane dungan sa pagtunol kanako sa pulos tuskig nga tulo ka tag P1,000.

"Salamat," nako pa dungan ang pagdawat sa kuwarta. "Hayahay diay kaayo mong mga polis, no? Sayon ra man ang panguwarta."

"Tinuod kana. Di man sab god paigo kun ang suweldo ra gyod namo ang among saligan. Mao nga pahimuslan sab namo ang badlongon nga mga negosyante. Bahinan sab nako ang among hepe sa kuwarta nga nakolekta nako kaganina aron dili mabulilyaso."

Pagkilab sa pipila ka gutlo, subling mitapuko si Duane nako. Sa laing higayon, giangkon niya ang akong pagka babaye. Gitagbaw gayod niyag maayo ang iyang kaugalingon pagdimdim sa katam-is sa dugos sa akong pagka babaye.

Human sa duha ka round nga kombate sa kama, mibangon ko ug nag-ilis. Si Duane mismo ang mihagad nga manggawas na mi sa motel kay tingalig gipangita na siya sa iyang mga kauban. Gihugtan na ra ba kuno nilag sugod ang pagbantay sa siyudad kay nagsingabot na ang Southeast  Asian Summit nga  ipahigayon sa Sugbu.

"Makalugar ka sa Sabado?" Gipangutana ko ni Duane samtang nagsakay na mi sa elevator paingon sa mezzanine floor aron mo-check out.

"Ngano man?" Gisumbalik ko siyag pangutana.

"Day off nako sa Sabado,'' niya pa dayong agbay nako. "Gusto kong mag-overnight ta. Ayaw pagdawat og laing kustomer nianang adlawa.''

"Okey," nako pa. "Kuhaa  lang ko didto sa among area."

"Areglado."

Human makapa-check out, nangadto na mi sa basement parking area sa motel diin naghulat namo ang patrol car nga gimaneho sa polis nga kauban ni Duane. Nanakay dayon mi si Duane. Paggawas namo sa parking area, nakadumbol ang patrol car nga among gisakyan og usa ka taxi. (Sumpayan pa)