Ipabarang

TEBAN: Mga silingan! kaon lang mo hangtod sa inyong makaya! Ako ning bangka!

GOLIAT: Maayo ning imong gibuhat Noy da, mora makadaug gyud ka ani sa umaabot eleksyon.

TEBAN: Dapat lang Goliat ... sige kaon! Ayaw kalimot, hapit nang eleksyon! ayaw ko ninyog kalimti ha! Kay kung buhaton na ninyo, ikulipa lang na ninyo daan inyong gikaon kay ipabarang gyud ta mo!

GOLIAT: Ngeeeeeeeek.

* * *

Hulmigas

TEBAN: Goliat, imoha man kunong gihinolan ang akong anak?! Unsa ni ka tinuod?

GOLIAT: Unsa?! Gihinulan gud,  ako ra ganing gikuha ang hulmigas. Nasabod lang gyud!

TEBAN: Onkkkk!

* * *

Nagpalupad

TEBAN: Goliat! Goliat!

GOLIAT: Tay, unsa man?

TEBAN: Dili ba, giingnan na tika nga dili na ka magpalupad og tabanog? Na hala, adtua hinoon tong imong lola didto, tabangi sa pagluto og paniudto kaw.

GOLIAT: O Tay.

TEBAN: Kana maoy akong gusto, magbinuotan gyud ... imong lola, asa?

GOLIAT: Tua Tay, nagpalupad og tabanog.

TEBAN: Onkkkk!