Dula sa pangandoy ug panimalos
Mihukom mong didto na sa hotel magpalabay sa kagabhion sa lawak sa hotel nga inyong nahimutangan aron i-consume ang napulo ka oras nga inyong gibayran sa inyong pag-check in. Apan wala ka mosugot nga motupad si Ranil paghigda kanimo, Jamaica. Ikaw ray naghigda sa mahunolhunol nga kama. Si Ranil didto maghigda sa salog.
Giputos mog maayo ang imong lawas sa habol. Wala dayon ka matulog. Gipanid-an una nimo si Ranil. Namatikdan mong ni-behave na kinig maayo. Nahimuot ka sa hilom. Imong nasuta karon makahimo ka diay pagdominar sa hunahuna ni Ranil. Nga nahimo diay nimo ang pag-manipulate kaniya aron ang imong gusto maoy iyang tumanon.
Dihang imong nasuta nga nahikatulog na si Ranil, nakahukom kang matulog na lang sab. Gipiyong mo ang imong mga mata. Wala madugay, giganoy ka na sa katulogon.
Tulin nga milabay ang mga adlaw. Migradwar ka na sa kurso nga imong gikuha. Mitambong gayod si Ranil sa imong gradwasyon uban sa imong mga ginikanan. Mitambong usab sa maong okasyon ang imong manghod nga si Jessa. Malipayon kaayo ka.
Wala lang tuyoa nga nahinumdoman mo si Maynard, ang kanhi mong hinigugma. Karon nga nakatapos ka na sa pagtuon, may ikapasigarbo ka na kaniya. Makahimo kana sa pagpakig-atubang kaniya nga pinataas ang agtang. Ug mahimong panghimaraoton mo usab siya kay wala siyay ikapasigarbo sa iyang pagka lalaki sanglit nanghantok man lang siya kang Casilda. Lalaki siyang buhat pero dili maantigong magbudlay sa lawas. Naminyo siya kang Casilda nga penis ra gyoy dala.
Paglabay sa usa ka semana human sa gradwasyon, gihagad mo si Ranil nga manuroy mo sa Chocolate Hills. Misanong siya. Tuod man, nanuroy mo sa maong dapit. Gikan didto, nangadto mo sa Loboc ug misakay og bangka. Unya milahos mo ngadto sa dakbayan sa Tagbilaran. Ikaw mismo ang mihagad kang Ranil nga mo-check in mo sa
Ug sulod sa mabugnaw'ng lawak sa hotel nga inyong nahimutangan, daw dili makatuo si Ranil nga ikaw na mismo ang mihagad pagtugyan sa imong pagka babaye ngadto kaniya. (Sumpayan pa)
- Latest
- Trending
