Sex Worker

Gikuyawan ko samtang nagpaingon si Gabor sa akong gitagoan. Misantop sa akong hunahuna nga tingalig nailhan siya sa polis nga usa siya ka bugaw ug gipugos siya'g patug-an niini bahin kanamong mga commercial sex worker nga iyang gibugawan.

"Gawas na diha," matud ni Gabor dihang nagkaduol na kami. "Wa kuydawo.''

"Unsa man diay tuyo nianang polisa?"? Gipangutana ko siya.

Mingislit si Gabor una motubag: "Ungo sab diay nang polisa. Wa makontento sa karneng hilaw sa iyang asawa. Nangita pa gyod og kinilo."

"A-ang buot mong ipasabot..."

"Yes, Sonia. Ato siyang kustomer. Kuwartahan tingali nang polisa kay wa man mohangyo dihang gibungatan ko siya sa imong presyo.''

"U-unya?"

"Unsa pa? Di, game na."

Migawas ko sa akong gitagoan ug gikuyogan ko ni Gabor ngadto sa nahimutangan sa polis. Nagtingsi ang dagway sa polis nga mitan-aw nako.

"Mao ni siya, Sir," ni Gabor pa ngadto sa polis. "Si Sonia.''

"Duane," paila sa polis ngari nako."

Naglamanohay ming duha.

"Ikaw nay bahala niya, Sonia," giingnan ko ni Gabor dayon niyang palayo namo ni Duane.

Wala na lang ko motubag sa gisulti ni Gabor.

"Unsa pay atong gipaabot, Sonia?" Nagkanayon si Duane. "Let's go."

Nanakay dayon mi sa patrol car nga gipangunayan pagmaneho ni Duane. Gipadagan dayon niya ang sakyanan human kami makapahimutang. Paspas ang iyang pagpadagan sa sakyanan. Paglabay sa pipila lang ka gutlo, misulod na sa basement parking area  sa usa ka motel ang gisakyan namong patrol car.

(Sumpayan pa)