Bisan pa kun naunhan na

Mousa na ka buwan nga magkauban si Araceli ug Donald sa opisina ni Konsehal Masangga sa usa sa mga lungsod sa habagatan. Nag-angat na ang piniliay niadtong higayona.

"Lipay kaayo ko Cel nga kitang duha ang giparis sa Konsehal aron mamutang sa iyang mga eleksyon propaganda. Makalugar na gyud ko nga makaesplikar nimo," matud pa ni Donald ngadto kang Araceli samtang nagbarug sila duol sa multicab nga gikargahan sa mga handbills nga may giimprintang hulagway sa konsehal nga buot magpasubli sa katungdanan.

Mipahiyom lang ang dalaga sa gisulti sa ulitawo kay may gitago man usab kining pagbati alang kang Donald.

Wa madugay, nanakay ang duruha sa multicab aron sugdan ang ilang trabaho nianang adlawa. Samtang nagdagan ang sakyanan paingon sa usa sa mga bukirang barangay sa maong lungsod, gisugdan sa ulitawo ang dugay na niyang gibalay-balay sa iyang alimpatakan.

"Cel, nakamatngon tingali ka sa akong mga tinan-awan ug mga pasumbingay nimo didto sa opisina ni konsehal," pahayag sa ulitawo.

Wa motubag ang dalaga. Igo lang migitli ang gamay’ng pahiyom sa mga ngabil niini.

"Cel, I love you. Please believe me," matud ni Donald dungan ang paggunit sa kamot sa dalaga samtang nagmaneho sang pikas kamot.

Igo lang mipahiyom ang dalaga.

"Sabton ba nakong sa imong pagpakahilom gisugot nako nimo? Silence means yes, di ba?''

"Suma gud nimo, mao man kaha?" tubag sa dalaga dang pahiyom.

"Mao ba? Kun mao..." Daling gipahunong ni Donald ang sakyanan ug mihana sa paggakos sa dalaga.

"Uy, oy Donald, kahibawo na ko's imong tuyo. Trabaho una ta, unya nang karenyo," ni Araceli pa dang kusi sa kilid sa ulitawo.

Samtang nagpadung sila sa barangay Casili, kalit lang mibundak ang makusog nga uwan.

"Kusog man kaayo ang uwan, Cel. Di kaayo maklaro ang karsada. Mangita lang una tag dapit nga adto magpalabay sa uwan."

"Sige, Nald kay way salipod sa uwan ning pultahan sa multicab. Nabasa na ko's salisi sa kakusog sa uwan," tubag sa dalaga nga mikuray sa katugnaw.

Gipahunong ni Donald ang sakyanan tungod sa usa ka kamalig ug namasilong sa sulod. Nabasa ang t-shirt sa dalaga ug atubangang  bahin sa iyang maong nga karsones.

"Tugnawa oy," matud sa dalaga nga midip-ig sa ulitawo kaha aron maminusan ang gibating katugnaw.

"Oy, basa man kaayo ning t-shirt nimo, Cel. Makadaut ni sa lawas. Ang maayo huboon ug atong ihayhay," ni Donald pa nga medyo nanginit nga nagtan-aw sa bus-ok nga dughan sa dalaga nga mihulma tungod sa kabasa sa t-shirt.

"Unsa? Ayaw oy. Kalain sad ana."

"Ayaw kabalaka kay kita rang duha dinhi," hagawhaw nga pasalig sa ulitawo ug kalit gigakos ang dalaga. Gihagkan sa aping padailos sa liog samtang gihinay paghubo ang basang t-shirt sa dalaga lakip na ang gamay’ng salimbong sa nagtuybong dughan sa hinigugma. Tungod ba kaha sa katugnaw, wa na kabalibad ang dalaga labi na sa dihang gihagkan kini sa mga ngabil ug mibawos na lang usab kini sa paggakos.

Samtang mainiton kaayo ang ilang romansa, gitangtang usab sa ulitawo ang basang karsones sa dalaga lakip na ang underwear niini ug gipasandig sa haligi.

"A...ayaw Nald." Misuway pagpugong ang dalaga sa tuyo sa ulitawo apan mipadayon kini sa iyang tinguha tapos usab niya gihukas ang iyang t-shirt ug gihubo ang ubos nga salipod sa iyang lawas.

Sa gawas padayon pagbunok sa uwan nga maoy mipugong nga madunggan ang laing matang sa kabanha nga namugna sa duha ka binuhat nga daw nagtungas sa bungtod sa himaya.

Taud-taod nang nahuman ang duruha sa wa damha nilang matagamtam nga kasinatian sa dihang milurang ang uwan.

"Ihatud lang sa ko sa amo, Nald kay mag-ilis ko una ta molahos sa atong tuyo sa unang barangay," matud sa dalaga nga gikupoan sa ulitawo sa t-shirt niyang wa mabasa.

"Seguro kong nasayud na ka karon Nald nga duna nay nakauna nimo maong wa ka maglisud sa imong tinguha ganina." Gibuak sa dalaga ang kahilom samtang nagdagan ang sakyanan paingon sa ilang balay.

"Okey ra nako, Cel. Wa nay usong virgin 'rong panahona. Ang mahinungdanon nga gimahal ko nimo og love sad ka nako. Ay'g kabalaka kay ugma mamaye mi sa inyo," pasalig sa ulitawo ngadto sa dalaga nga hugot migakos sa ulitawo samtang nagmaneho kining malipayon. (Kataposan)