Sex slave

Gula 57

Wala ko makatingog. Nakalitan ko sa gisulti ni Leemar. Nakonsensiya na hinuon ko sa iyang gibuhat. Tungod nako, nakahimo siya pagpanlimbong sa iyang asawa.

“Nganong imo mang gidala ang tanan ninyong halin?” Gisukit ko siya. “Seguradong gipangita na kanang kuwartaha karon sa imong asawa.”

“Nasayod ko,” matud ni Leemar. “Pero mas nagkinahanglan ta niining kuwartaha sa pagkakaron.”

“Dili ka kaha magbasol sa kaulahian niining imong gibuhat?”

“Wa koy angay pagabasolan, Bonita. Ikaw hinuon tingali. Basin og nagmahay ka kun nganong mikuyog ka nako?”

“Wa sab ko magmahay, Leemar. Hinuon nagpasalamat ko sa Dios nga wala ko nimo pasagdi. Gitabangan pa gyud ko nimo nga makalikay ni Charlotte, ang tomboy nga mipahimulos sab kanako sulod sa dugay-dugay’ng panahon.”

“Kun tukion pag-ayo, gihimo ka usab nga sex slave sa maong tomboy.”

“Naluoy sab ko ni Charlotte, Leemar. Nakautang kog kabubut-on niya.”

“Nakasabot ko nimo. Pero dili kamo angay sa usag-usa. Managsama kamong babaye.”

“Nasayod ko niana. Mao bitaw nga nagpasalamat ko nimo. Pero may mga binuhat nga naapektohan pag-ayo ning imong gibuhat. Naluoy ko sa imong asawa ug mga anak.”

“Ayaw na sila’g hunahunaa. Maoy seguroa ang imong kaugalingon. Okey?”

Ug gianod mi sa karomantiko sa higayon. Mao na lamay among naamgohan nga pareho na kaming hubo. Nagtinal-opay ang among mga dila sa pinadulot nga hinagkanay. Ang mga kamot ni Leemar mikiat sa pagpanghinol sa pribadong mga parte sa akong lawas. Unya giangkon niya ang akong pagka babaye.

Nagdungan mi’g sangko sa kinapungkayan sa himaya. Gibati ko ang hingpit nga katagbawan sa pagana nga gihimo ni Leemar nako.

Pagkaugma, sayong milakaw si Leemar aron mangitag balay nga kapuy-an. Kinahanglang makakita na siya’g balay nga among kabalhinan kay mo-check out na ra ba kami sa hotel inigka-alas dose sa udto. -- Sumpayan pa