Dugos ni Eva

Gula 250

Aron mawala ang tensiyon nga mihakop kanako, gikabig ko ni Rodney paduol niya. Iya kong gigakos ug gihagkan sa ngabil. Gipainit niya ang akong lawas pinaagi sa foreplay. Nakasabot ko nga pinaagi sa sex, gusto niyang mapapas  ang akong kabalaka.

Kadali rang napukaw ang akong kahinam sa lawasnong kalipay. Nabatyagan ko nga mitaas pag-ayo ang akong libido. Miepektog maayo kanako ang gihimong pagana ni Rodney. Milampos siya pagtukbil sa akong kahigal aron maandam ako alang sa usa ka mainiton nga kombate sa kama.

Mipuwesto nag maayo si Rodney taliwala sa duha nako ka paa. Nabatyagan ko nga nanuktok na ang iyang kargada sa ganghaan sa akong pagka babaye. Mahinangpon kining giabiabi sa akong pagka babaye sa dihang misulod na kini.

Ang misunod nga mga gutlo giharian na sa mga hangos ug agumod. Nagtambayayong kami pagbugtaw sa kahingpitan sa kalipay nga lawasnon. Paspas ang pagsulod-gawas sa armas ni Rodney sa akong lapsanan aron paghatag kanako og talagsaong sensasyon. Ang pagnukos-nukos sa iyang kargada nagdul-it kanakog dili mahubit sa pulong nga kalalim. Girapido kog maayo ni Rodney hangtod nga misangko kami sa kinapungkayan sa ikapitong langit. Matagbawon kaming nagsaulog sa ritwal sa gugma.

Human sa unang round, nasayod kong si Rodney wala pa makontento. Tuod man, nahitabo ang akong gipaabot. Gipapahulay lang ko niyag kadiyot. Human sa hamubong panghimudlay, iya na sab kong gipahayang. Mora siya’g cowboy nga abtik kaayong mikabayo nako. Subli niyang gitukbil ang akong kahigal sa lawasnong kalipay. Ug dihang nanginit na ko, giangkon na usab niya ang akong pagka babaye.

“Mangatulog na ta,” niya pa human sa ikaduha namong lovemaking session. “Ugma momata tag sayo aron makapangandam. Mo-check out tag sayo dinhi.”

Pero wala ko makatulog. Nahinumdom ko sa tawo nga lain kaayo’g tinan-awan nako didto sa merkado. Gihasol niya ang akong hunahuna. -- Sumpayan pa