Dugos ni Eva
Gipunit ni Rodney ang awditibo sa telepono. Iyang gipanagsultihan ang nanawag. Kadali rang nahuman ang ilang panagsulti.
"Kinsa man kadto?" Gipangutana ko siya dihang gibutang na niya ang awditibo.
"Ang nagbantay sa counter sa front desk," maoy iyang tubag. "Naningil na kay wala pa man ta makabayad sa extension sa atong pag-istar dinhi."
Miluag ang akong gibati. Gipakaingon kog lain na. Salamat nga wala matinuod ang diha sa akong hunahuna.
"Dinhi ka lang," ni Rodney pa. "Mokanaog una ko aron mobayad sa front desk."
"Sige," nako pa. "Pero ayaw pagdugay."
"Dili lagi."
Dihang nakagawas na si Rodney sa lawak, giserhan nako ang pultahan. Wala ko mahimutang. Ang akong hunahuna didto ra sa tawo nga nagpunay'g tutok nako kaganina samtang nangaon mi didto sa merkado. Posible gyod nga sinugo kadto ni Mr. Prax Vidoya. Labing seguro nga wala mag-inusara ang maong tawo. May mga kauban pa kadto siya ug ania sila sa Balamban aron pagpangita nako.
Mitingog ang buzzer. Mihinay kog duol sa may pultahan. Misil-ip ko sa peephole. Human nako masuta nga si Rodney ang didto sa gawas, giablihan ko kini.
"Ugma sa buntag mobiya na ta dinhi sa pension house," matud ni Rodney dihang nakasulod na siya sa among lawak.
"A-asa na man sab ta?" Gipangutana ko siya.
"Moadto tas
"U-unsa?"
"Posibleng husto ka sa imong pangagpas nga sinugo sa imong agawon kadtong tawo nga nagpaatbang nimo kaganina samtang nangaon ta. Ug kun sinusgo man siya sa imong agawon, posibleng sa dili madugay matultolan na niya ang atong nahimutangan." (Sumpayan pa)
- Latest
- Trending
