Nakatulog

TEBAN: (huy-ab).

GOLIAT: Nagduka ka man og maayo Noy Teban?

TEBAN: Nagtuon ko og maayo Goliat, kay eksamin man ron nako ... nagbuntag gyud kog tuon.

GOLIAT: Unya pasar gyud ka sa examin?

TEBAN: Hagbong ko.

GOLIAT: Ngano man?

TEBAN: Sa akong kaluya nakatulog man kog maayo ... wala ko kaapil sa examin.

GOLIAT: Ngeeeeeeek.

* * *

Sinugdanan

GOLIAT: (nag report) Nia kita karon sa dapit sa nasunugan ug aniay usa ka tawo nga tagtungod sa balay nga nasunog atong pangutan-on.  Kining Sir...

TEBAN: Oh ngano?

GOLIAT: Ikaw bay tag-iya anang balay nga nasunog?

TEBAN: O ako.

GOLIAT: Nahibalo ka gyud og unsay sinugdanan sa sunog?

TEBAN: Nahibalo man.

GOLIAT: Unsa may sinugdanan?

TEBAN: Kayo.

GOLIAT: Ngeeeeeeeek.