Karaan nga atabay

Napahunong si Boy sa iyang paglakaw. Nagdangadanga na siya sa karaang atabay sa Kawayan ning orasa sa kaadlawon, dihang nabantang sa iyang panan-aw ang usa ka puting babaye nga naligo.

Abtik siya nga mihupo sa labong kabugangan nga haduol sa karaang atabay. Gipahiluna niya ang dalang sinangayan nga nagkab-ing sa duha ka taro. Naniid siya sa naligong babaye. Mamuso siya!

Naandan na ni Boy nga matag kaadlawon, magkawos gayud siya og tubig sa karaang atabay nga nadistansiya og tunga sa kilometro gikan sa sityo Iba nga iyang gipuy-an uban sa iyang asawa nga si Luningning. Bag-o sila nga minyo si Luningning nga gipatukoran dayon og balay sa ilang mga ginikanan. Usa ka ektaryang basakan sa humay ang gipangunayan sa pagtikad ni Boy.

Andaman niya og tubig ang pinanggang asawa matag kaadlawon. Pun-on niya sa tubig ang ilang banga, tadyaw ug duha ka baril, aron sayon na lang ang pagkaligo ug paglaba ni Luningning  inigkabuntag. Bisan huhungihong sa tibuok baryo sa Basak nga taw-an ang karaang atabay sa Kawayan, wa gyud mobati og kahadlok si Boy sa naandan niyang pagkalos og tubig matag kaadlawon. Gitawag og karaang atabay sa Kawayan ang maong atabay, tungod sa usa ka dakong punoan sa kawayan nga nagtuybo sa atbang niini.

Labong ug nagsanggaka ang punoan sa kawayan, nga matud pa sa Lolo Binog ug Papa Anong ni Boy, karaan na sab ang maong kawayan nga milahutay na sa daghang katuigan. Nabaniog nga adunay magpakitang agta, engkanto, duwende ug tambaluslos sa karaang atabay. Mao kini ang hinungdan nga way mangahas pagkalos og tubig sa karaang atabay panahon sa kagabhion ug kaadlawon. Apan wa gyud mobati og kahadlok si Boy sa way hunong niyang pagsinangay og tubig matag kaadlawon sukad sa ilang pagpuyo ni Luningning sa sityo Iba nga nahisakop sa ilang baryo sa Basak.

Nagtilagak ang laway ni Boy nga padayong namuso nga nagtan-aw sa babayeng naligo sa karaang atabay. Lalim bay naghubo sa tibuok lawas ang maong guwapa ug puti nga babaye. Is-is ug bigot kaayo ang lawas sa babaye. Haskang ugbona sa nagdagtom nga bilahan nga sa matag karon ug unya, lugdan, sabonan ug kilikiton, pukitpukiton ang ngabil sa bilahan niini. Nanginit sa iyang gilingkoran si Boy. Gisingot ang dangas ug upawon niyang ulo. Milimbag ang iyang buganan! Human sa pagkaligo, ginuntan sa panan-aw ni Boy ang guwapa ug puting babaye nga didto mopaingon sa labong kawayanan. Unya, kalit kining nahanaw sa iyang panan-aw. Nakapanglingo siya.

Paspas nga nagtimba og tubig si Boy aron mapuno ang duha niya ka taro. Kinahanglan nga makapauli dayon siya sa ilang balay. Pahimungtan niya si Luningning ning kaadlawona kay nagpulso sa tumang kagahi ang iyang buganan, tungod sa iyang pagpamuso ug sa nasaksihan niyang guwapa ug seksing babaye nga naligo sa karaang atabay. (Kataposan)