Dugos Ni Eva

Gula 239

Gitinuod gayod ni Rodney ang iyang gisulti. Mipahulay lang mig kadiyot. Morag nagtigom lang siya’g igong kusog kay paglabay sa pipila ka gutlo mitapuko na man usab siya kanako. Kadali ra kong nanginit. Ug si Rodney nga daw nakamatikod nga misalir ang iyang game plan, daw bilyarista nga mibakyaw sa iyang tako. Ug mitira! Diretso sa pocket ang iyang kargada.

Nagbawodbawod na ang lawas ni Rodney samtang nag-ubo siya sa naghayang kong lawas. Wala man untay bawod apan kusog man kaayo ang tuya. Mipasagnunot ko sa lihok sa lawas ni Rodney samtang ang akong pagkababaye nag-um-om sa iyang kargada. Mi-respond ko sa iyang aksiyon. Hangtod nga nagkadungan mig abot sa tumoy sa langit. Ang among gininhawa nag-abot sa tumang kakutas.

Human sa ikatulong  round sa among lovemaking, nahikatulog mi nga naggaksanay sa usag-usa. Kadali ra ming nahinanok tungod sa kabugnaw sa aircon. Pero pagkakaadlawon, nahigmata ko kay makamatngon ko nga daw dunay mipatong nako. Si Rodney diay. Nagmaneho na sab siya aron  maka-score mi pag-usab.

Kay nakamata na man gyud ko, gialalayan ko na lang si Rodney. Nakigtambayayong ko niya pagkatkat sa kinapungkayan sa himaya. Ug among namatud-an nga mas mainiton ug matagbawon ang pagpaagas sa singot sa kaadlawon.

“Maldito ka gyud, ha,” giingnan ko si Rodney human sa among lovemaking session.

“Ngano man?” Nangutana siya.

“Hapit ka na man lang dili matulog. Gusto nimong sige lang og sawsaw.”

“Alang-alang, naa man diha ang lami.”

Human sa among gibuhat nahikatulog pa kamig balik. Sa among pagmata, alas siyete na sa buntag. Gipanggutom na mi.

“Dinhi ka lang,” ni Rodney pa.

“A-asa ka man diay?” Nangutana ko kay kalit  man lang kong gikulbaan. -- Sumpayan pa