Si Tosoy ug si Taling

Basak, San Fernando, Cebu

Labihan ang kadaghan sa nangindahay ni Taling, ang katahom niini daw diyosa sa kalangitan. Ang kahumot sa gininhawa daw sama sa bulak sa tanaman sa paraiso. Daghan ang buot modimdim sa dugos sa iyang kaanyag.

"Hatagi ko'g higayon Taling nga ika pamatuod ko nga gimahal ko ikaw," nagkanayon si Tosoy.

"Hilom diha Tosoy oi! Kapalakiro nimong daku," nang yam-id kaniya ang dalaga.

"Oo angkunon ko kana. Apan kaniadto ra kadto. Sukad nga nakita ko ikaw Taling nakaingon ko sa akong kaugalingon nga ikaw na gyud ang dad-on ko sa altar sa kaminyoon," walay lipod-lipod nga gidaygan niya si Taling.

"Ayaw gani pagtinunto diha Tosoy! Nganong ako man gyud ang imong gipangulitawhan nga unta aduna may daghan diha nga mas labaw pa kanako?" gipangutana kini sa dalaga.

"Kinahanglan paba kana nga ipangutana Taling? Siguro nakahibalo kana sa tubag niana! Maanyag ka ug dili ikalimod nga daghan ang nangabuang sa imong katahom," matud pa ni Tosoy.

"Hatagi una ko og taas nga panahon Tosoy sa pag timbang-timbang sa imong gihalad nga gugma kanako," pong pa sa dalaga.

Naila usab kini si Tosoy nga chick boy sa among dapit. Daghan nausab ang nabitik sa iyang mga diskarte.

Nianang pagka gabii namisita nausab siya sa pinuy-anan ni Taling.

"Kumosta naman ang akong gipadayag nga gugma diha nimo,' gisukit ni Tosoy si Taling.

"Unsa'y kasiguroan ko kung pananglit itugyan ko ang akong gugma diha nimo," dugang pangutana ngadto sa ulitawo.

"Dili ko ikaw pasakitan Taling! Hinuon ihatag ko ang tanan mong gusto mag malipayon kalang sa akong kiliran.

"Bantay bitaw og imo lang kung binuangan ha. Tingalig maayo kalang sa mga pasalig unya wala sa buhat?" Matud pa sa dalga.

"Isaad ko kana nimo Taling, ug laomi nga tinuod ang tanan nga imong nadungog. Gigunitan og hugot ni Tosoy ang kamot ni Taling, gipisil-pisil niya kini, gihapuhap ang mga  bukton gikan sa palad hantod na sa abaga. Inanay nga nagka romantic ang higayon. Gigunitan ni Tosoy ang suwang ni Taling ug giwahing niya ang nawong niini, sa gibuhat ni Tosoy wala makatutol ang dalaga. Kalit nga giukuban niini ang mga ngabil ni Taling. Nidailos paingon sa liog ang mainiton nga halok ni Tosoy, ngadto sa dughan ni katay ngadto sa pusod. Nisalimbad ang mga mata ni Taling sa gibuhat nga mga pagilok ni Tosoy. Ug ang mga kamot ni Tosoy nagpahigayon og panghiram sa sinsitibong parte sa iyang lawas ug nakakita kini og duha ka bundo unya iya kining gikumot-kumot.

"Ayaw! Ayaw ipadayon kanang buot mong mahitabo Tosoy," gipugngan kini sa dalaga.

"Pasagdi ko Taling, gimahal ko ikaw ug andam ug tagana ako nga manubag sa akong kaakuhan diha  nimo kung ugaling magbunga man kini," dugang pasalig ni Tosoy ngadto sa dalaga.

"Ayaw! ayaw dinhi kay maulaw ta, daghang makakita, mamalhin ta'g laing dapit nga kita rang duha aron walay makatugaw," ni Taling pa nga nagkurog ang tingog.

"Sige, mamalhin ta, adto ta sa labong nga kasagbutan aron dili ta makit-an," ni Tosoy pa.

"Ug karon Taling wala na gyo'y makatugaw nato dinhi," naghinam-hinam na pag-ayo si Tosoy.

"Ayaw! Tosoy, ayaw!" daw labaw lang sa hagawhaw ang tingog

 niini.

"Ngano naman sab ha?" sukit niini sa dalaga.

"Ayaw dugaya ba!!!" ug dinhi gisugdan dayon ni Tosoy pag dimdim ang kaputli ni Taling aron makab-ot nila ang dugos nga dili ikapangagda. (Kataposan)