Sex slave
Gula 13
Nianang Lunes sa kaadlawon, milarga ko paingon sa Tacloban. Kinahanglang makaabot ko didto’g alas diyes sa buntag kay alas onse magsugod ang una nakong klase sa MWF. Misakay kog mini bus gikan sa Isabel paingon sa Ormoc. Pag-abot nako sa Ormoc, misakay dayon kog bus paingon sa Tacloban.
Alas diyes kinse na ang takna dihang nahiabot ang bus sa terminal sa Tacloban. Midiretso ko sa akong boarding house. Nagdali-dalig ilis ug miadto na sa eskuylahan. Naghangos kong misaka sa hagdanan paingon sa ikaupat nga andana sa tulonghaan diin adto ipahigayon ang una nakong klase. Nagpasalamat ko kay wala pa diay usab mahiabot ang among magtutudlo. Menos diyes pa man sab para alas onse.
Dihang nagsugod na ang klase, nagpakahilom lang ko sa akong gilingkoran. Wala ko ganahing naminaw sa lecture sa among magtutudlo. Maoy diha sa akong hunahuna ang nahitabo sa akong pagka babaye, ang paglugos ni Tiyo Camilo kanako. Naglisod ko pagdawat sa kamatuoran nga dili na ko birhen nga pagka babaye gumikan sa pagpanamastamas sa akong uyoan sa giampingan kong kaputli.
Human sa una nakong klase, mipauli na ko sa boarding house. Wala na ko ganahing mosulod sa sunod nakong klase. Gubot ang akong hunahuna. Dili masulod sa akong ulo ang mga leksiyon maong nakahukom kong mopahulay lang una.
Sulod sa akong kuwarto nagmuok ko. Wala ko kalikayi ang pagpatulo sa akong mga luha samtang namalandong sa akong gidangatan. Sa kadaghan sa mga babaye sa kalibotan, nganong ako pa man gyud ang nahitaboan og ingon niini. Nganong ako pa man ang nakabaton og uyoan nga salbahis ug walay puangod?
Tibuok adlaw nga wala ko mosulod sa akong klase. Pagkaugma, wala gihapon ko moeskuyla. Didto sa ko sulod sa akong kuwarto. Nagmuok. Nagpaagas sa mga luha. Nagbangutan tungod sa pagkahanaw sa kaputli sa akong pagka babaye. Naglisod pa gyud ko pagdawat sa kamatuoran nga ako
Mipauli ko sa Isabel nianang Sabado sa buntag. Sa akong pag-abot sa balay, wala na ko maggawas-gawas sa akong kuwarto. -- Sumpayan pa
- Latest
- Trending
