Sex slave

Human sa taudtaod nga pagpamalandong mahitungod sa daotang nahitabo nako sa mga kamot ni Tiyo Camilo, mibalik ko ngadto sa sopa. Akong nakita ang daghang dugo nga ingon sa nagluoy sa mahunolhunol nga lingkoranan.

Gikan kanako ang maong dugo. Timaan kini sa akong kaputli nga dili pa lang dugay napusgay. Nakahilak na sab ko samtang nagsud-ong niini. Unya gipahiran ug gilimpiyohan nako ang dugo sa sopa kay dili ko buot makita kini sa akong mga ginikanan. Tingalig ila kong sukit-sukiton kun nganong may dugo sa sopa ug maligas ang akong dila pagtug-an sa tinuod. Lisod na kun mahitabo kini.

Human kalimpiyohi ang sopa nga nagkabulingit sa dugo, misulod ko sa banyo ug naligo. Gusto kong limpiyohan og maayo ang akong lawas. Gusto kong mawagtang ang laway ni Tiyo Camilo nga mipilit sa akong panit tungod sa pagkaligo niyag halok nako. Gisabonan nakog maayo ang tibuok kong lawas.

Migawas ko sa banyo nga presko kaayo. Misulod ko sa akong lawak ug nag-ilis. Dayon miatubang ko sa tokador ug nanudlay sa akong buhok. Samtang nagsud-ong sa akong nawong sa salamin, wala lang tuyoa nga nakahilak ko. Nahinumdom ko sa gibuhat ni Tiyo Camilo nako. Wala ko magdahom nga mabiktima ko sa panglugos karong adlawa.

Miduol ko sa nahimutangan sa kama ug mihigda. Giumod ko ang akong nawong sa unlan ug mihilak kog maayo. Gipahungaw ko ang tanang kahuot sa akong dughan.

Pagkahapon, nahiabot sila si Papa Adolfo ug Mama Odella gikan sa dakbayan sa Ormoc. Igo lang kong misugat nila aron makatabang og dala sa ilang mga kinompra. Mibalik dayon kog sulod sa akong lawak. Apan nag-amping ko nga dili sila makamatikod nga dunay daotang nahitabo kanako samtang didto sila sa Ormoc.

Sa among pagpanihapon, gipangingkamotan kong dili mamatikdan sa akong mga ginikanan nga nagmasulob-on ko. Dili ko gustong makamatikod sila nga duna koy problema. Seguradong kuti-kutihon ko nila. Dili ko buot nga mahitabo kini kay tingalig dili ko makapugong pagbutyag sa matuod nga nahitabo nako.

Dili ko gustong malambigit sa eskandalo ang among pamilya. (Sumpayan pa)