Ang Babaye sa Bentana
Wala dayon motubag si Melissa Viloron alyas Cheska sa gisulti ni Cyrus. Igo lang kining mitutok kaniya nga daw dili makatuo sa kalit nga kausaban sa iyang hunahuna. Bisan si Cyrus nakalitan sa hinanaling pagbali sa tuyok sa iyang kalibotan.
“Gusto kong masayod, Cheska,” nagkanayon si Cyrus, “kun human sa tanang mga panghitabo ug sa kamatuoran nga imong nasayran, wala ba mausab ang imong pagbati alang nako.”
“Way kausaban ang pinitik sa akong kasingkasing alang nimo, Cyrus. Pero di ko angay sa imong pagmahal. Dako ko’g sa’a sa imong pamilya. Nasayod kong di makadawat ang imong mga ginikanan nako.”
“Past is past. Life must go on. Kalimtan ta ang mangil-ad nga daman sa kagahapon and let’s enjoy life to the fullest.”
Wala na makapugong si Cheska sa iyang kaugalingon. Gigakos niini si Cyrus. Migakos usab si Cyrus sa babaye. Unya nag-akob ang ilang mga ngabil sa pinadulot nga hinagkanay. Tugob sa kainit sa ilang paghinagkanay.
Apan unya, kalit lang napahunong si Cyrus. Misantop sa iyang hunahuna nga wala diay katumanan ang gugma nila ni Cheska. Nahinumdom siya sa HIV virus nga mitakboy kaniya. Ang maong sakit maoy inanay nga moganoy kaniya ngadto sa kamatayon.
“Duna koy itug-an nimo,” kalit lang miligdong ang nawong ni Cyrus.
“U-unsa kana?” Sukit ni Cheska. “May lain ka pa ba diay’ng tinagoan?”
“Oo. Nakasala sab ko nimo, Cheska.
“Nga-nganong nakasulti ka man og ingon niana?”
“Tungod kay giamong-amongan ko ang imong kinabuhi ug kaugmaon.”
“W-wa ko ikaw hisabti.”
“May sakit ko nga AIDS. Ug labing seguro, nakatakod na kini kanimo. Dali ra kaayong motakod ang HIV virus pinaagi sa unsafe sex.”
Kalit lang gitamparos ni Cheska si Cyrus. – Sumpayan pa
- Latest
- Trending
