SITOM

Simhota

TEBAN: Igso, palit kamo ning akong perfume ... humot kini kaayo?

GOLIAT: Unsa may ngalan anang imong perfume Igso?

TEBAN: Mao ni gitawag og snow white and the seven dwarfs ... humot kini kaayo ... simhota ohhh.

GOLIAT: Ambi kono ... simhoton nato (smell) ... hmpp ... ingon ka kay humot ... baho man lagi kaayo ni?

TEBAN:  Baho ba ... ambi kono.

GOLIAT: Baho lagi.

TEBAN: Hmm ... mao diay’ng baho kay namatay man ang usa ka dwarf.

GOLIAT: Ngeeeeeeeeek.

Pag-umangkon

TEBAN: (bayot) Oyy ... kinsa ka ... wala ko kaila nimo?

GOLIAT: Si kuan bitaw ko tiyo si Goliat ko imong pag-umangkon ... anak ko sa imong igsoon didto sa Mindanao?

TEBAN: Unsa may imong tuyo?

GOLIAT: Nia ko Tiyo kay anhi nalang ko mopuyo sa inyo ... kay anhi man ko paeskuylaha ni Tatay dinhi sa Sugbu ... anhi lang kono ko mopuyo.

TEBAN: Oy, dili gyud hinoon mahimo ... wala koy ipakaon nimo oy ... pangita na lang didto og imong laing kapuy-an?

GOLIAT: Sige Tiyo ... mangita na lang kog lain dad-on ko lang  nagbalik ang gipadala ni Tatay para unta nimo ... naay lima ka buok malong ... naay usa ka sakong bugas ... mga linatang corned beef  ... mga perfume ... dad-on ko lang nag balik.

TEBAN: (smile) Hilom diha Goliat oy motuo ka baya og kumediyahan ... ready na nang kwarto nimo oy ... kaligo unya didto.

GOLIAT: Ngeeeeeek.