Kabinet

WIFE: (nag pinal na) ... Teban ... sa dili pa ko mamatay ... sultihan ta lang ka nga naa koy daghang mga alahas nga naa sa kabinet ...may kwarta ko sa bangko nga singkwenta mil pesos ... naa koy yuta nga usa ka ektarya ... imo na kana ug mamatay na ko.

TEBAN: Mao bitaw'ng gihiloan tika.

WIFE: Ngeeeeek.

* * *

Gipaypayan

TEBAN: Misis ... nganong imo man nang gipaypayan nang lubong sa imong bana?

WOMAN: (snife) ... Kuan man gud Teban ...nakasaad man gud ko ning akong bana sa buhi pa siya nga kun mamatay ni siya, dili gyud ko magminyo samtang basa pa ning iyang lubong ... mao ning gipaypayan aron dali nga mauga.

TEBAN: Ngeeeeeeeek.

* * *

Ipapaak

GOLIAT: (happy) Tay ... Tay ... yihee?

TEBAN: Goliat ... diin ka man gikan nganong malipayon ka man kaayo?

GOLIAT: Nia koy usa ka gatos Tay?

TEBAN: Usa ka gatos ... diin man nimo?

GOLIAT: Gipaakan ko sa iro ni Nyor Magno ... unya gihatagan ko og usa ka gatos?

TEBAN: Unsa ...(trans call) Boy ... boy.

GOLIAT: Nganong gitawag man nimo ang akong manghod Tay?

TEBAN: Dad-a sab ngadto sa ilang Nyor Magno ... ipapaak sa iro.

GOLIAT: Ngeeeeeeeek.