Kadtong baho nga kinaham diay sa akong bana
Sukad lang nakapalit kaming magtiayon og baling, kanunay na lang kagabhian si Nisyo nga mahiuli gikan sa dagat. Magkinagang god kini og alsa sa himabaw niyang kuha nga iyang bitbiton sa dako kaayo nga bukag nga sudlanan niya sa iyang binalingan.
"Siyaro sad ka Nisyo ... dili nalang nimo gahinan og oras aron makig-estoryahanay ka kanako?" kausa akong gisukot ang akong bana nga gikan sa iyang pag-abot sa dagat ... modayon lang sa paghigda nga dili na gani mag-ilis sa basa niyang sanina.
"Gikapoy gayod ako karon, Digna, ug gusto ko nga mopahulay aron makatagpilaw!" sagol singhag ang tuno sa tinubagan sa akong bana.
Dili ko na lang siya tubayan sa iyang gipamulong, ilabi na nga nakasabot ako sa kahimtang sa iyang lawas nga gikan namaling.
Tangkod pa lang nga walo ka buwan diin kami nagtipon isip magtiayon ning among balangay sa Dunggoan, nga dili halayo sa baybayon.
Maayo lang sa bag-o pa kaming nanagtipon, kay hapit kada oras hitagamtaman ko ang naghinubra nga kalipay sa panahon digamohon ako sa akong bana ilabi na kun maatol og udtong tutok. Apan karon nga nakapalit kami og baling, maayo na lang sa
"Unsay nasulod sa imong ulo ... Digna, nga hapit na man kada adlaw maligo ka sa atong atabay?" ingon sa may kasapot ang tuno sa pangutana ni Nisyo nga bag-ohay pa lang nahiabot gikan namaling.
"Kuydawo sa sunod ... hikit-an ko na usab ikaw nga maligo!"
Dili gayod tiaw ang akong kahibulong kun ngano nga masuko ang akong bana nga maligo kada adlaw. Gikutaw ang akong kaisipan nga unta inig-karinyo niya kanako sulod sa among sibay mangalisbo man gayod ang kahumot nga way sama?
Gumikan sa akong kalagot ... tangkod gayod nga
Halawom nga gabii kadto nga nahiuli si Nisyo gikan nga namaling. Nagpakaaron ingnon ako nga natulog. Ambot unsang hitaboa nga gigakos man ako og kalit sa akong bana ug gihapuhap ang kinatibuk-an sa akong kalawasan nga nagkanayon:
"Kini ang kinaham kong baho ... Digna ... nga sama sa kalangsi sa himbis sa isda'ng binalingan!" – Kataposan
- Latest
- Trending
