Dugos ni Eva

(Gula 120)

Gitug-anan nako si Rodney sa hinungdan nga wala na ko ganahing mopuyo sa amo. Gisamokan ko sa kanunay nga panaglalis nila ni Papa ug Mama.

“Managsama diay kitag problema sa atong mga ginikanan,” nagkanayon si Rodney.

“U-unsay buot mong ipasabot?” Gisukit ko siya.

“Kanunay sab maglalis ang akong mga ginikanan. Wa ko masayod kun unsay hinungdan. Kun di pa tungod nimo dugay ra kong mibiya sa amo. Mao nga pagkasayod nako nga nia ka na sa Tagbilaran, miagpas dayon ko nimo. Maayo pa dinhi kay wa tay problema. Pulos lang palami ang atong hunahunaon.”

“Naunsa man ang atong mga ginikanan, uy. Nagpabadlong man hinuon imbes mga tiguwang na.”

 “Pasagdi lang na sila. Ang importante mao nga sige ang atoa.”

Unya gipahayang ko ni Rodney ug gitirahan pag-usab.

Pagkagabii, didto ko mohigda sa boarding house ni Rodney. Wala gyoy nakatugaw namo kay kami ra mang duha sa sulod sa balay. Amo ang tanang higayon sa pagtagay sa lawasnong kalipay. Gitagbaw gyud namo ang among kaugalingon.

Miabot ang adlaw sa pagbukas sa mga klase. Busy na sab mi sa pagtuon. Apan taliwala sa ka-hectic sa among schedule sa klase, makahigayon pa gayod kami si Rodney alang sa gikabuangan namong buhat. Nagsayranay mi sa among schedule of classes ug sa oras nga bakante ming duha, magkita mi aron magtagay sa lawasnong kalipay. Daginoton namo ang mga takna aron pagtagay sa kalalim. May mga higayon nga sa akong boarding house kami mag-sex. Usahay sab akoy moadto sa iyang gipuy-an.

Nagpadayon kami sa pagpaulipon sa among kahigal sa walay paghunahuna nga masayran ang among binuhatan sa among mga ginikanan. – Sumpayan pa