Dugos ni Eva

Nabag-ohan ko sa kausaban sa kinaiya ni Papa Segundo. Kaniadto kun maglalis sila si Mama Betty, ang iyang paghubog-hubog maoy hinungdan. Apan karon kun maglalis sila, ang pagkaseloso sa akong amahan maoy hinungdan. Wala sab ko masayod kun kinsang lalakiha ang gipangabubhoan sa akong amahan kay dili man siya maglakbit og ngalan sa higayon nga maglalis sila si Mama.

Ingon sa wala na ko ganahing moistar og dugay sa among balay. Puol kaayong paminawon ang kanunay'ng panaglalis nila ni Papa ug Mama. Aron dili na ko makadungog sa ilang panag-irgo, miadto na ko sa Tagbilaran bisan sa sunod pang semana magsugod ang klase sa second semester. Giteksan ko lang si Rodney nga milarga na ko paingon sa Tagbilaran aron siya masayod nga wala na ko sa among pinuy-anan.

Pagkaugma, gipahibalo ko ni Rodney nga nahiabot na siya sa Tagbilaran. Mao gyod kunoy pag-abot niya sa iyang boarding house sa iyang pag-text nako. Gusto siyang magkita mi. Miadto ko sa iyang gipuy-an. Nagmingaw ang iyang boarding house. Siya rang usa ang nagtikawtikaw kay wala pa man mamalik ang ubang mga estudyante.

Sulod sa iyang lawak, gisaw-an namo ang matam-is nga dugos sa pagpakighilawas. Nagsalig nga kami rang duha sa sulod sa balay, walay tihiktihik ang akong pag-agumod samtang nagsaka-kanaog si Rodney sa ibabaw sa naghayang kong lawas. Unya gigakos ko siyag hugot dihang nakabatyag  na kog timailhan nga hapit na siya magpabuto. Nagkadungan kamig sangko sa kinapungkayan sa ikapitong langit.

"Nganong mibalik ka man og sayo?" Nangutana si Rodney human sa among lovemaking. "Sa sunod semana pa gani magsugod ang klase.

"Gisamokan kos balay," laktod nakong tubag.

"Ngano man diay? May problema ba sa inyo?" -- Sumpayan pa