May utlanan ang kangitngit

Gula 55

Miabot ang panahon nga gusto na ko niyang tirahan. Milungtad og pipila ka minutos ang among panag-sex hangtod nga nakapabuto siya. Na-feel kaayo nako ang pagbuhagay sa init niyang likido sa akong kahiladman. Nagdungan mig sangko sa kinapungkayan sa himaya. Natambalan gayod ang akong kahidlaw bisan dili pa hingpit ang akong katagbawan.

Apan wala pa diay makontento si Dr. Suave sa among gibuhat sulod sa CR. Pareho diay ming wala pa matagbaw. Giingnan ko niya nga mosulod mi sa usa ka pribadong lawak. Misanong ko. Nag-ilis dayon kami ug nagdaling migawas sa CR samtang wala pay tawo nga nakakita kanamo. Didto mi paingon sa nahimutangan sa iyang sakyanan.

Nanakay dayon mi. Gipaandar dayon ni Dr. Suave ang makina sa awto ug gipadagan kini. Paglabay sa pipila ka gutlo, nahiabot kami sa usa ka motel. Gi-parking niya ang sakyanan sa basement car park niini ug nagpa-check in dayon kami.

Sulod sa mabugnaw’ng lawak sa motel, gitagbaw namo ang among kaugalingon. Gipahimuslan ko ang talagsaong higayon. Naningkamot ko nga matambalan sa hingpit ang akong kahidlaw sa lawasnong kalipay. Si Dr. Suave sab daw sa walay pagkapuol nga misubli-subli pag-angkon sa akong pagka babaye. Init kaayo siya bahin sa sex. Ug ako nga dugay-dugay nga nag-diet sa maong matang sa kalipay nakabaton og igong kusog ug kalig-on paglahutay sa dugay nga kombate. Nakahimo mig pito ka lovemaking session. Human sa ikapito namong engkuwentro, nagmulo na si Dr. Suave nga nagpangurog na kuno ang iyang mga tuhod.

“Kini na ang una ug kataposan nga nahitabo tali kanato,” giingnan ko siya.

“U-unsay buot mong ipasabot?” Mikunot ang iyang agtang.

“Dili ug dili na masubli pa kining hitaboa,” matud ko. -- Sumpayan pa