(Gula 112)
Sa pagbalik nakog eskuyla, daw kinamayan ang akong mga adlaw. Buhong ko kanunay sa lawasnong kalipay. Sa unang adlaw pa gani sa pagbukas sa klase, miadto na si Rodney sa akong boarding house. Sulod sa akong lawak gisaw-an namo pagtagay ang matam-is nga dugos sa lawasnong paglambigitay.
Ug kadtong maong hitabo nasundan ug nasubli sa makadaghan. Kun dili makahigayon si Rodney pag-adto sa akong boarding house, akoy moadto sa iyang gipuy-an. Sulod sa iyang lawak walay pagkapuol namong gitagamtam ang kalalim sa kalipay nga lawasnon. Mora bag nangaadik mi sa sex.
Usahay baya ingon sa makonsensiya ko. Ang akong mga ginikanan wala gyud intawo’y kasayoran nga dugay ra ming nagkawat-kawat si Rodney pagtagay sa lawasnong kalipay. Nagdahom lang sila nga nagtarong ko sa akong pag-eskuyla ug wala maghimog premarital sex. Hinuon, wala man nako pasagdi ang akong pagtuon. Apan ang gihimo namo ni Rodney usa ka dakong sala sanglit ang sex angay man lang buhaton sa mga magtiayon. Aware ko niini apan dili ko makapugong sa kainit sa akong gibati. Gikalipay ko sa hilabihan ang gibuhat namo ni Rodney.
Matag Biyernes o kaha sa adlaw’ng Sabado human sa mga klase, ang kadaghanan sa mga estudyante mamauli sa tagsatagsa nila ka dapit. Apan usa niana ka weekend, nagkasabot kami si Rodney nga dili mamauli sa Mabini. Sa adlaw’ng Sabado ug Domingo didto ra ko sa iyang boarding house. Iya kong gilumloman. Sulod sa duha ka adlaw mao ray among gihimo ang subli-subling pagtagay sa lawasnong kalipay.
Mora mig bag-ong minyo nga nag-honeymoon. Mag-ukang lang kun mangaon. Kanunay ra ming naglublob sa kuwarto. Kanunay nagdulog. Wala gyud mi mobati bisan diyotay na man lang kapuol sa pagpakighilawas. – Sumpayan pa