May utlanan ang kangitngit

Gula 18

Pareho kaming mihangos sa kakutas. Gigakos kog maayo si Reuben. Nabatyagan ko nga ang iyang pagka lalaki inanay nang natangtang gikan sa akong pagka babaye. Dihang inanay nang mihunas ang kakutas, gihinay nako pagtukmod si Reuben nga nag-ubo sa ibabaw sa hubo kong lawas. Mibangon ko ug midali pagsulod sa banyo.

Sulod sa banyo, mitak-ang dayon  ko sa bowl kay gibati ko nga ingon sa kaihion ko. Tuod man, dihay migawas. Pero sa akong pamatyag, morag dili ihi. Morag nagtibugol kini. Mao nga pagkahuman, mitindog ko ug gitan-aw ang bowl. Maoy akong nakita ang daghang dugo didto sulod sa bowl. Dugo nga may sagol puti nga nagtibugol. Ang semen kadto ni Reuben nga nadala sa paggawas sa dugo.

Sa akong nakita, misantop sa akong hunahuna nga hingpit na gayod nga naangkon ni Reuben ang akong pagka babaye. Dili na gyud ko virgin. Pero wala ko magmahay sa nahitabo kay ang lalaki nga akong gihigugma mao man ang naka-virgin nako.

Gi-flush nako ang iniduro. Pagkahuman, gihugasan nako ang akong pagka babaye. Gisabonan ko kinig maayo. Human malimpiyo, migawas ko sa banyo. Naabtan ko si Reuben nga naghigda pa nga naghayang sa kama.

“Pag-ilis na diha,” giingnan ko siya dayon kong punit sa akong underwear ug gisul-ob kini pagbalik ingon man ang akong bra.

Hapit na ko mahuman pag-ilis dihang mibangon si Reuben. Maoy una niyang gipunit ug gisul-ob ang iyang brief dayon ang iyang karsones.

“Unsay imong ipangatarongan sa imong parents kun mangutana silag nganong nagabhian ka sa pagpauli?” Gisukit ako ni Reuben.

“Ako nay bahalang mangitag alibi,” matud ko. “Ayaw na hasola ang imong hunahuna mahitungod niana.”

Dihang nahuman na kamig ilis, gikuhit ko ni Reuben. Sa akong paglingi niya may gipatan-aw siya nako. Iyang gitudlo ang lama sa dugo nga mipilit sa puti nga bed sheet sa kama, timaan nga napusgay niya ang akong kaputli.

“Unsa may atong buhaton niini?” Sukit ni Reuben. -- Sumpayan pa