Dugos ni Eva

(Gula 65)

Gitudloan ko ni Rodney kun unsaon pagpahigayon ang calendar method. Iya kong gipasabot nga importante kaayo nga dili ko masayop sa pag-ihap sa mga petsa kay ako man ang nasayod kun kanus-a motungha ang akong regla. Motabang lang usab kuno siya’g timaan aron dili gyud kami mosipyat.

“Basta, segurado ka nga dili mosipyat kining paagiha, ha,” matud ko.

“Segurado lagi,” niya pa. “Ayohon lang gyud natog ihap.”

Mao kadto ang among gihimo. Sa mga adlaw nga safe ko, hapit kada adlaw kaming mag-sex ni Rodney. Sa adlaw’ng Sabado ug Domingo, adto kami magtagbo sa usa ka pribadong cottage sa Marcelo Beach Resort. During weekdays, si Rodney mohinok pagsulod sa akong kuwarto inigkagabii ug adto namo saw-an ang katam-is sa dugos sa lawasnong kalipay. May mga higayon nga kun makalugar, tungkabon ko ni Rodney sa CR sa eskuylahan. Diha gani higayon nga, udto kadto ug kami rang duha si Rodney sulod sa classroom, nga mikawat gyud siyag sawsaw. Igong nahuman mi, nangabot wala madugay ang among mga classmate ug magtutudlo.

Sa higayon nga fertile ko, malutas gyud si Rodney sulod sa pipila ka adlaw nga dili siya makasawsaw. Mao nga kun safe na gani ko, magkapuliki kog sagang sa iyang pag-atake. Sama siya sa usa ka gutom nga leyon nga hangol kaayong modimdim sa matam-is nga dugos sa akong pagka babaye.

Epektibo ang calendar method nga gitamdan namo ni Rodney. Wala gyuy sipyat. Wala koy kabalaka nga momabdos kay gitamdan man gyud namog maayo ang kalendaryo, gitiman-an ko kanus-a nagsugod ug nahuman ang akong regla. Mao nga misamot ang among pag-abuso sa kahigayonan. Kanunay namong saw-an ang kalalim sa lawasnong kalipay, gawas lamang sa mga adlaw nga fertile period nako. – Sumpayan pa