(Gula 64)
Sipat gyud kini si Rodney. Dili gyud papugong sa iyang biga. Mangita gayod siyag paagi nga maka-score nako. Karon iya kong gihaylo nga mogamit mig contraceptives aron lang gyud dili maputol ang among pagtagay sa kinawat-kawat nga kalipay. Sa ingon, dili na ko momabdos bisan magsige mig kombate.
“Unsa nga contraceptives ang imong nahunahunaan?” Gipangutana ko siya.
“Mogamit tag Trust,” tubag niya.
“Unsa bay trust?”
“Kana gong condom.”
“Ay, dili ko niana. Mahadlok ko.”
“Unsa may imong kahadlokan? Safe kini nga paagi.”
“Huh, mabilin pa lang hinuon ang condom sa ilawom sa akoa, dakong problema.”
“Dili lagi mabilin. Akoy bahala.”
“A, basta dili ko niana. Mahadlok gyud ko.”
Nahilom si Rodney. Morag duna siyay gihunahuna.
“Husto,” nanglitik siya sa iyang mga tudlo pagkataudtaod.
“Naunsa ka diha?” Gisukit ko siya.
“May nahunahunaan na kong maayong paagi aron dili ka momabdos.”
“U-unsa man kana?”
“Mogamit tag calendar method. Kanang gitawag nilag rhythm.”
“Makamao diay ka ana?”
“Nakabasa man ko bahin niana sa libro sa family planning. Akong natiman-an kun unsaon paghimo ang calendar method. Safe kini basta maayo ang pag-ihap sa mga petsa. Mao ray isawsaw kon safe ang babaye agad sa mga adlaw sa regla.”
“Sige. Mosugot ko niana.” -- Sumpayan pa