Dugos ni Eva

Gula 61

Nakatulo ka lovemaking session gayod kami ni Rodney. Lawom nang gabii sa iyang pagbiya sa akong kuwarto sa may bentana. Human ko kaserad-i ang bentana, mihigda dayon ko kay gusto nang matulog. Gibati ko ang kalapoy sa akong lawas.

Apan wala dayon ko makatulog bisan lapoy ang akong lawas nga akong gibudlay pagkatkat sa pungkay sa ikapitong langit uban kang Rodney. Maoy akong gihunahuna ang nahitabo namo ni Rodney. Ingon sa dili ko makatuo nga ingon ako niadto ka agresibo ug kainit sa natad sa sex.

Nasuta ko na karon nga ang sexual intercourse dili diay makatagam kundili makahigalam. Mao diay nga adunay daghang mga babaye nga napaangkan tungod kay sa higayon nga matilawan na sa babaye ang pagpakighilawas sa usa ka lalaki, magpangita na siya niini. Sama nako karon. Bisan nakatulo ka round na kami si Rodney apan gusto kong iya pa kong usban. Ugaling lang kay nakabiya na siya.

Ang nahitabo namo ni Rodney nasubli sa makadaghan. Bisan asang dapit  lang namo saulogon ang rituwal sa gugma basta makahigayon. Gidid-an ko na siya sa pagsulod sa akong kuwarto panahon sa kagabhion kay tingalig masakpan mi sa akong mga ginikanan sa kadugayan. Malintian gyud ming duha.

Sagad adto mi mag-abot sa Marcelo Beach Resort matag Sabado. Didto tagbawon namo ang among kaugalingon pagtagay sa matam-is nga dugos sa himaya. Hangtod nga usa ka adlaw niana, nahinumdom ko nga kapin na sa usa ka bulan nga wala ko tunghaa sa akong regla. Mibati kog tumang kabalaka. -- Sumpayan pa