Dugos ni Eva
(Gula 51)
Midali ko pagbiya sa nahimutangan ni Rodney bisan wala pa mahuman ang among panagsulti aron pagsusi kun nganong gitawag man ko ni Mama Betty nga didto sa sulod sa balay. Midali kog sulod sa balay. Naabtan ko si mama nga may gikuri-kuri sa kusina. Miduol ko sa iyang nahimutangan.
“Pangitaa tong imong amahan,” matud ni Mama.
“Kay hain man diay si Papa, Ma?” Gisukit ko siya.
“Ambot lang. Kaganina pa man tong milakaw. Nakaagi na sab tingalig inom sa merkado. Hibawo ka na man nianang amahan mo, hangol kaayog inom.”
Miadto ko sa merkado. Akong gipangita si Papa Segundo. Nagpangutana ko sa mga tawo sa merkado kun wala ba sila makakita sa akong amahan. Apan walay
Kini man gud si Papa, palahubog kaayo. Wala man hinuon mi niya pasagdi apan wala sab siya makakontrol sa iyang bisyo. May mga higayon nga masuko si Mama tungod sa iyang pagka palainom. Magpakahilom lang si Papa kun masuko na si Mama.
Gikan sa merkado, miadto ko dapit sa may munisipyo aron pagpangita ni Papa Segundo. Apan wala gyud nako makit-i ang akong amahan. Mipauli na lang ko kay hapit na motikyop ang kagabhion. Basin og nahiuli na sab si Papa sa amo.
Sa nagdanga-danga na ko sa amo, nalantawan ko si Noy Tonyo, ang Papa ni Rodney, nga maoy paggawas gikan sa among balay. – Sumpayan pa
- Latest
- Trending
