Dugos ni Eva

(Gula 47)

Gigunitan ni Rodney ang tuo kong kamot unya iya kong gitutokan.

“Nagtuo ka ba, Eva,” ni Rodney pa, “nga karong natilawan ko na ang katam-is sa dugos sa imong pagka babaye, dili ko kini pagapangitaon matag karon ug unya?”

“Kontrolon una nato ang atong kaugalingon, Rodney,” giingnan ko siya. “Dili una ta magpadala sa kainit sa pagbati sa kabatan-on. Nag-eskuyla pa kita. Tingalig maapektohan ang atong pagtuon kun magpatuyang ta sa atong gibati.”

Inanay nga nakasabot si Rodney sa akong gisulti. Nagkasabot mi.

Wala mi magdungan og gawas sa cottage. Akoy unang mibiya sa cottage nga among giokupar. Naningkamot ko nga matarong ang akong paglakaw, kanang dili maila nga bag-o lang kong naig-an. Gipaninguha ko nga dili mokaang sa paglakaw kay daghan ra bang mga tawo nga nangaligo sa Marcelo Beach Resort kay adlaw man laging Sabado. Mahibulong unya sila kun magkaangkaang kong maglakaw.

Nagpahatod kog habal-habal ngadto sa amo. Dili kaayo ko komportableng nagsakay sa maong sakyanan ilabi na nga naghapdos pa gihapon ang akong pagka babaye bunga sa nahitabo namo ni Rodney. Apan giantos ko lang ang kahapdos basta makaabot ko sa amo. Sa akong pag-abot, midiretso ko sa akong lawak. Nanirado ko ug mihigda. Mora kog gihilantan. Gipanugnaw ko maong nagbukot ko sa habol.

Nahapon na lang apan wala gyud ko mogawas sa akong kuwarto. Naglain gyud ang akong lawas. Ingon sa gilad-an kog maayo nga naigo sa kargada ni Rodney.

Alas siyete na sa gabii. May nanuktok sa pultahan sa akong lawak. -- Sumpayan pa