Mag-uyab uyab ko

Dearest Inday Misyel,

Maayong adlaw kanimo ug sa uban nimong mga kauban. usa ako ka avid reader sa imong lindog. Tagoa lang ko sa ngan nga Ms. Piesces. Una sa tanan gusto kong matambagan sa insaktong pamaagi. Usa ako ka dalaga ug nagtungha pa sa high school. Nag problema ko tungod sa nanguyab nako sa dihang 2nd year high-school pa ko wala nako siya sugta apan nahigugma ko niya kay tungod kay nindot iyang batasan ug pinangga kaayo ko niya, ang akong problema kay masuko ang akong papa ug akong maguwang nga lalaki nga mag-uyab-uyab ko? Unsa man akong buhaton para musugot sila nga  mag-uyab uyab ko, usahay makahunahuna ko nga mulayas aron mag-ipon me, palihog tambage ko sa insakto nakong buhaton? daghan salamat ug GOD BLESS!

Mulayas,

Ms. Pieces

* * *

Sister! Usbon sa makadaghan dili sayop ang magmahal sa tao apan ang time ug ang samputanan, dunay dakong kalabutan alang sa imong disisyon. Dili ko gusto nga ikaw mahisama sa ubang mga batang mga babae nga sa’yo kaayo naminyo ug dunay mga anak. Basin mapareha ka sa uban nga mura n’ya og anay tungod sa kagutom ug daghan og anak nga way igong alamag pa o kuwang pa sa guidance. Sayop man sa imong panghunahuna nga gibawalan ka sa pag-uyab-uyab apan sa akong paminaw sakto ang imong kuya ug amahan kay kini sila naglantaw sa maayo nimong pagtungha ug sa umaabot nga better future. Wala pa sad ka sa saktong edad aron musulod sa maong butang, duna kini gitawag nga panahon. Hilaw pa ka sa butang nga relasyon labi na seryosong butang. Huwata nga anaa kana sa edad ha aron di ka masayop ug masugamak sa kalautan. Sunda usa ang imong ginikanan, pagtuon pag-ayo ug ipakita nga ikaw  dunay maayong paglantaw sa imong kaugalingon.. .muabot ra ang time nga imong gidalian. Hatagan lang unya tika  og laki ha basta tarunga ang imong study ug tuo sa parents... hehehehehehe.

Pikat nimo!

Inday Misyel