Greenpeace hits ‘side agreement’ on JPEPA toxic waste provisions

Ang  Visayas Pacific Laboratories mao ang kompaniya nga gipanag-iya sa pamilyang Moran. Napanunod kini ni Althea gikan sa iyang mga ginikanan. Tungod sa VPL, dihay higayon nga nag-ungaw sa kakuyaw ang kinabuhi ni Althea. Nagtinguha ang iyang amahan nga si Bimbo Alvar sa pagpapatay kaniya aron masulo na niini ang VPL.

Salamat kang  Rey Corpuz, naluwas si Althea gikan sa daotang laraw ni Bimbo Alvar. Napatay ni Agent 11-M si Bimbo kinsa mao usab diay ang utok sa kamatayon sa iyang asawa. Ug nabalhin gayod sa ngalan ni Althea ang dokumento sa ownership sa VPL. Pero karon may problema ang maong kompaniya. Kini gustong masayran ni Rey.

"Unsa man diay nahitabo sa VPL?" Pakisusi ni Rey.

"Temporaryo kining nagsera karon," tubag ni Althea.

"Sa unsang hinungdan?"

"May kaso kaming giatubang karon sa korte."

"U-unsa?"

Gisaysay ni Althea ngadto kang Rey ang nahitabo. Nalambigit ang Visayas Pacific Laboratories sa pagpamaligya og peke nga mga tambal nga gipalusot nganhi sa Pilipinas gikan sa Australia. Temporaryong gipaserhan sa korte ang VPL samtang nagpadayon pa ang pagbista sa kaso. Gisakyan usab sa PDEA ug BFAD ang kaso kay ang peke nga mga tambal namatud-an man nga gawas nga dili epektibo ug delikado sa panglawas, maadik pa gayod kon masobrahan ang pag-intake niini sa usa ka tawo.

"Dili mahitabong magbaligya og peke nga mga tambal ang VPL," ni Althea pa. "Gawas pa, dili usab kami moangkat og mga tambal gikan sa laing nasud tungod kay kami mismo naghimo man og mga tambal ug ubang pharmaceutical products nga gi-export ngadto sa laing mga nasud. In fact, ang VPL maoy usa sa leading manufacturer ug exporter og high quality intravenous fluids alang sa gamit sa mga pasyente, doktor, nurses, pharmacists ug mga hospital. Busa dakong binuang ang gipasangil batok sa VPL."

"Unsay sulti sa imong abogado?" Sukit ni Rey.

"Nagtuo si Atty. Quilaton nga may sindikato nga migamit sa ngalan sa VPL alang sa illegal niining kalihokan." — Sumpayan pa