Kahigayonan ni Wendy Valdez

Gidungan sa ABS-CBN ang presscon alang sa evictees sa "Pinoy Big Brother" nga silang Maricris Dizon ug Wendy Valdez kagahapon.

Dinhi giangkon na ni Wendy nga nadutlan gayud siya sa ilang kasuod ni Bruce Quebral, ug daghan pa unta sila og angayang istoryahan, apan napalayas na siya.

"Marami pa kasi sana kaming dapat pag-usapan, mga bagay na dapat linawin pero hindi na nga po namin nagawa dahil na-evict na ako," pahayag ni Wendy.

Gawas sa kontrabida role nga gibalita dinhi sa Banat Hugyaw nga nagpaabot ni Wendy, sugod karong Lunes magsugod na siya isip semi-regular host sa Wowowee. Matag Lunes, Miyerkules ug Biyernes ang iyang schedule.

Gidungog usab nga mo-pose siya sa usa ka men’s magazine, hayan sa Maxim nga gipanag-iya sa ABS-CBN ug matud pa nagplano usab ang Warner Music Philippines nga tanyagan siya og album

Ang 24-anyos nga evictee, masscom graduate sa FEU ug kanhi Bb. Pilipinas first runner-up.

Samtang si Maricris mitin-aw nga dili siya pasaway ug binoang lang ang iyang pag-ingon nga dunggabon niya si Bea.

Matud pa usab niya dili pod tinood nga nangabubho siya ni Ms. Slovenia tungod kang Nel. Ang kamatuoran matud pa sa dalaga, aduna na siyay boyfriend sa Milan, Italy kung diin siya midako ug mipuyo sulod sa 19 ka tuig. Pong pa ni Maricris, hulaton niyang matapos ang PBB ug tan-awon kung naa nay moabot nga offers. Pero kung wala mobalik na lang siya sa Italy.

Maka intrigang Marvin-Angel hawkanay

Na-intriga na niadto silang Angel Locsin ug Marvin Agustin dihang nagkauban sila sa Boracay niadtong Abril 23 diin didto nag-celebrate sa birthday niya si Angel.

Apan ang tinuod suma pa sa PangMasa nga dunay event unta nga tambongan si Marvin, apan wala kini madayon, pero duna na siyay ticket nga napalit, ug sanglit suod man sila ni Angel tungod sa Asian Treasures, mipadayon siya og larga.

Pwes sigurado nga maintriga na pod sila og balik tungod kay karong gabii, ipakita na sa "AT", ang ilang kissing scene nga milungtad og 30 seconds sa direksyon ni Gina Alajar.

Pero matud pa sa PangMasa nga daw bangga ang mahitabo tungod kay aduna poy 36 seconds nga kissing scene silang Robin Padilla ug Diana Zubiri.

Istorya sa executive producer sa "AT," sa eksena kay nagpatuo nga manag-uyab silang Angel (Gabriela) ug Marvin (Hector) kay aduna silay gipangitang anting-anting sa Manila City Hall. Nagselos si Robin (Elias) sa nakit-an niya maong gihagkan niya ang kaubang si Diana (Ingrid).  Ug wala pod nagpalupig ang mga bagets nga silang Glaiza de Castro (Clara) ug Marky Cielo (Mateo) kay nag-smack pod ang duha.

Rebelasyon ni Booba

Sa ikaduhang higayon, giangkon ni Ethel Booba nga siya gyud ang naa sa Sex Video nga maoy nakapukan sa iyang pagka sikat niadtong 2005.

Gitug-an ni Ethel sa "Good Times" ni DJ Mo Twister nga duna pay laing sex videos, apan iya nang gipanglabay.

Gi-angkon pod ni Booba nga tungod kay gwapo ang iyang fan, nakig-one night stand siya niini.

Dugang pa niya 10 usab ka mga celebrities ang iya nang nakauban sa kama. Lakip sa iyang gipang nganlan sila si Troy Montero, Jordan Herrera, Rich Herrera (model), Drew Arellano, Wendell Ramos, Andrew Wolfe ug Wendy Valdez sa PBB2 (experiment lang daw).

Sa tanan nga iyang ginganlan, si Drew matud pa ang labing maayo sa kama ug si Wendell ang way ayo tungod kay walay foreplay, maayo na lang kay nindot kini og lawas.

Duha na ka minyo nga mga lalaki ang iyang nakarelasyon- ang ikaduha niyang uyab ug si Alex Crisano.

Si John Mullaly (French-Canadian male model) ang matud pa niya dunay body odor ug si Miriam Quiambao, ang sa iyang pamati, plastic nga pagkatawo. Late bloomer si Booba maong sa edad nga 19-anyos na siya dihang napusgay ang iyang pagka babaye.

Atol sa show mitawag si Troy aron mo-deny sa rebelasyon ni Ethel, pero matud pa niya dili pa siya retokada dihang nahitabo sila.

Si Janelle sa Wowowee ang worst dressed celebrity para kaniya. Matud pa ni Ethel, si DJ Mo ang gusto niyang maka-one night stand, controversial man gud para niya si Mo hinungdan nga mikomedya siya dayon sa pag-ingon : "Let’s controversy ourselves."

Si Regine Velasquez matud pa niya ang angayan moangkon nga retokada ang ilong, mata, ngabil ug boobs. Samtang miangkon siya nga retokada ang iyang boobs, aping, ug sampot.

Matud pa niya, nakasuway na siya nga nagbuhat og "milagro" samtang nagsakay og bisikleta sa palibot sa CCP Complex, niadtong dili pa siya artista.