Dihang nanagko ang mga ulo…

Vatski: Maayong Lunes natong tanan. Next week election na gyud, busa paghimo namo diha og kodigo sa inyong mga angay’ng iboto next Monday, kay chances are malimot unya mo, ug ang inyong mabutang sa balota basin akong ngalan. Nyahaha! Anyway, hisgutan nato ang matud pa nag-inarte na nga mga Pinoy Dream Academy (PDA) scholars nga si Yeng ug Panky. Hagoy! Kabag-o pa ani nila, wala pa gyu’y "K" nga mag-feeling sikat. Ang balita gud, nga napatik sa Banat Hugyaw, sa mga miaging adlaw, nitekang ang PDA Top 6 Amerika alang sa ilang series of shows didto, ug sa dihang gusto na unta makighamanat nila ang atong mga kababayan didto, deadma ra matud pa si Yeng ug Panky. Hmmm…Abi ko ba og makamasa ni si Yeng? Of course, deny to death sad dayun ni sila, apan wala na sila’y mahimo kay niguwa na ang balita (gabalik-balik gani to diri sa Hugyaw) ug usa pa mga reliable man gyud ang mga tinubdan sa maong balita. Naa na diay ni karapatan mag-dinagko og ulo ning si Yeng ug Panky? Wala pa gani sila’y na-prove sa ilang career isip mga singers, mag-inarte na dayun. I undertand nga bation pod ni sila’g kapoy, apan ila untang hinumduman nga niadto biya sila sa laing nasud aron lingawon nila ang ilang mga fans, dili aron palaguton.

Garry: Vatski, dili gyud nato ma-please ang tanang tawo nga bisan unsa-on nato pagminaayo lahi-on ang interpretasyon sa mga tawo. Dili sab tingali deadma ang approach nila oy. Bisan asa nimong angle tan-awon nga bag-o pa gud ni sila sa showbiz, as much as possible, managad ni sila ug kung mahimo ma-please ang tanang tawo nga ilang masugatan. Siguro ang sala ra gyud tingali nilang Yeng ug Panky Vatski mao ang wala matagad ang pipila tungod sa kinabag-ang tawo nga misugat sa ilaha didto sa Las Vegas. Dili lang siguro kita mag-over sensitive o mag-OA kung dili kita matagad.

Vatski: Molaban gyud ka, Gar, kay fanatic man ka’s ABS-CBN. Ambot sad aning Panky, bisaya ta bya ni siya, nagpakauwaw lang. Naila bya ta’ng mga Sugbuanon nga hospitable, mga accommodating. Ug karon nagpalahi sad ni siya, hinay-hinay lang, ‘day! Next time siguro naa mag out-of-town shows ang mga PDA scholars, padad-an gyud ni sila og "director" aron motudlo nila og unsaon pag-atubang ang ilang mga fans, otherwise, wa gyu’y makapugong kung moguwa ang ilang tinud-anay nga batasan. Bisan lang gud og plinastikay lang, ingun ana man gyud na kargado sa mga celebrities, basta ba dili lang masakitan ang mga fans kay singot ug sip-on bya gyud ni ilang ipuhunan haron lang makit-an ilang mga idolo.

Garry: Nalipay ako sa kalampusan sa atong paisana nga si Panky nga iyang nakab-ot ang iyang gipangandoy nga maabot sa kaulohan. Wala siya magpakauwaw natong mga Sugbuanon, oy. Sa akong giingon nga dili nato ma-please ang tanang tawo. Kung mokatawa ta ngadto sa mga tawo, mo-ingon nga plastic! Kung mag-mug-ot, siguro sakit ang ngipon, mo-ingon pud nga garboso. Hahay, kitang mga Pinoy grabe kaayo ta ka mga OA ug over sensitive..

Vatski: Aw sige tagaag chance nga magtarong na sila next time. Pero naa pa kahay next time nga ang balita sa Banat Hugyaw last week nagkanayon man nga gibuhian na sila si Chad, Irish ug Panky gumikan sa ilang "eskandalo" sa hotel room nila sa Las Vegas diin nangahubog silang tanan? Ang tsika pa nga nagsuka si Yeng sa carpet, gawas nga una nang nabalita nga gihimo nilang ashtray ang carpet, rason nganong nakamulta og usa ka libong dolyar ang producer sa maong show. Paet, best in pasaway gyud diay ni sila didto! Si Jay-R suspendido. Pero matud pa si Yeng man gyud maoy nagpabadlong didto, pero abi kay siya may grand dreamer, pwes siya maoy giluwas ug gitabonan ang sala. Makatarunganon na?

Pangutana: Angayan ba nga hatagan og second chance sila si Chad, Irish ug Panky human sila naggara-gara sa Amerika? Makatarunganon ba nga dili silotan si Yeng bisan og gikatahong siya maoy labihan nga " nagwala" didto sa Las Vegas, gumikan lang kay siya maoy lig-ong pambato sa Dream Big Productions? PDA Fanatics, ipahungaw ang inyong gibati kalabot niining maong kontrobersya, text ngadto sa 0910-2683713

• For me d search 4 Miss Mandaue shud push through no matter wat bcoz its already a tradition. Pra nako kulang ang fiesta kng mawala ang pageant. 0920-3601708

• Pra sa ako maayong dli nalang madayon kay wala na may panahon sa maong butang pero bsin pa og hatagan pa ni nla og pagtagad o oras sa tigdumala dha sa Mandaue. 0919-2309726

• Angay ghpon nga naay Miss Mandaue kay mao man jud na kalihukan kng pista sukad. Karon nalang na nga aduna’y bahid politika. From barangay Opao, Mandaue City. 0921-3500785

• Para nako ang indigay sa kaanyag sa mandaue ipadayon tulomanon mana matag-fiesta dili lang iapil ang politika gkan sa mga smpsi mandaue. 0915-7739269

• Ang Miss Mandaue pageant usa ka prestiyosong contest nga every year naa jud ta ani. Diri man pud nato makita ang pag-promote sa mga lugar sa Mandaue nga nang lambo na. Mao nga importante ni namo nga Mandauehanon bsan pa sa kakuwang sa preparasyon kay usa ni sa mga highlights sa among fiesta. From Ekver of Mandaue. 0910-3347787

• Much better ipadayon ang Ms. Mandaue coz it gives attraction 2 d people and it entertains d people during fiesta celebration. 0920-8173931