Impostora, June 18

Sigurado na nga walay extension ang Asian Treasures ug mahuman na gayud kini karong June 15. Kini tungod kay matud pa sabeternang kolumnista sa PangMasa, Manay Lolit Solis nga magsugod na ang "Impostora" ni Sunshine Dizon ug Iza Calzado karong June 18.

Reunion kini nila ni Iza ug Sunshine kinsa katapusan nga nagkauban sa sikat nga pataseryeng, "Encantadia." Si Diana Zubiri nga kuyog usab nila niadtong, apil sa AT, busa bugtong si Karylle lang ang walay teleserye.

Pwes pangintriga pa ni Manay Lolit: wala kaha mingawa si Karylle og himo og teleserye?

Samtang nasayran usab ni Manay Lolit nga si Gina Alajar una ang direktor sa AT tungod kay nagbakasyon sa Amerika si Eric Quizon. Dunay asikasuhon nga negosyo ang nahisgutan didto.

Hinoon moapas na lamang si Direk Eric sa China, alang usab sa dugang mga eksena sa AT nga adto himoon sa Macau ug Beijing.

Drama ni Sugar, wa epek

"Knows kaya ni Sugar Mercado na nega ang feedback sa kanyang pag-iyak sa Startalk guesting niya noong Sabado?," pangutana pa ni Manay Lolit.

Gisaysay ni Sugar sa Startalk niadtong Sabado nga wala siya maka abang sa iyang gipuy-an, busa dunay higayon nga sakyanan nalang niya siya matulog.

"Ang sey ng mga tao? Hindi raw nila naramdaman ang sincerity ng pag-iyak ni Sugar at imbes na mag-emote, dapat pa siyang magpasalamat dahil may kotse na natutulugan niya.Bakit hindi raw ibenta ni Sugar ang kanyang sasakyan para makabayad siya sa renta?,"butyag pa ni Manay Lolit.

Gibalita na sa Banat Hugyaw nga tangtang na si Sugar sa Eat Bulaga. Busa ang komentaryo sa mga tawo nga angayan nga mobalik na siya sa Sexbomb aron makabaton og balik og regular nga income.

Pwes ang pangutana, welcome pa ba siya sa Sexbomb human niya kini gitalikdan aron unta magsolo?

Duha ka inahan, gidugang sa PBB

Duna nay duha ka mga inahan nga gipasulod sa Big Brother House. Kini maoy tsika sa PangMasa base usab sa gipakita na sa .

Silang duruha maoy hulip sa forced evictee nga si Maricris Dizon. Sila mao si Geraldine,giila nga palengke queen, kinsa single mother nga dunay duha ka anak, ug si Yeng, happily married sulod na sa 16 years ug dunay duha ka mga anak babaye.

Tsika sa PangMasa nga sulod sa usa ka semana magpabilin silang duruha una pa ang botasyon. Ang usa matangtang ug ang mahibilin idugang sa nahibiling nine housemates.

Dugang nga tsika sa PangMasa nga human napalayas si Wendy niadtong Sabado, gipakita usab sa 24/72 ang lips to lips nila ni Wendy ug Bruce, ingon man ang paghilak sa nahisgutang hunk sulod sa ilang lawak.

"Babangon" gibalibaran ni Angelika

Gibalibaran ni Angelika dela Cruz ang role sa gitakda nga lain pang "Sineserye" sa ABS-CBN, ang usa pa ka Viva classic, ang "Babangon Ako at Dudurugin Kita" nila ni Christopher de Leon, Sharon Cuneta ug Hilda Koronel.

Ang tsika sa PangMasa mao nga ang manager ni Angelika maoy mibalibad. Wala matin-aw ang rason ngano, apan nagduda ang mga himantayon nga dili buot si Angelika nga modala sa role ni Hilda nga maoy kontrabida niining nahisgutang nga pelikula.