Hot Cover Babes

Usa ka hot mama, duha ka Viva hotbabes ug usa ka Fil-Canadian. Sila maoy pambato karon sa tulo ka mga men’s magazines nga maoy nagtigi karon dinhi sa nasud. Silang tanan cover girls sa May 2007 issue.

Si Jamilla Obispo, ang single parent nga unang nailhan sa nasud pinaagi sa Pinoy Big Brother Teen Edition last year, maoy nilugwa sa cover sa FHM karong buwana. Ang photographer sa maong pictorial mao ang banggiitan nga si Xander Angeles.

Sa hamubo nga interview gitin-aw ni Jamilla ngadto sa FHM nga walay problema niya kun tawgon siya nga "hot mama" sa kadaghanan. Miingon usab si Jamilla nga wala siyay mga censored nga eksena sulod sa Bahay ni Kuya ug imposibli kaayo nga magbuhat og milagro bisan og under the blanket.

Samtang si Nancy Castigllione maoy cover usab sa anniversary issue sa Uno magazine.

Ang cover usab sa Maxim magazine mao ang labing bag-o nga mga sakop sa Viva Hotbabes nga sila si Precious Adora ug Carla Samonte.

Hugyaw breaking story

Dili na modayon og salmot sa Miss Mandaue 2007 ang Supermodel of the World finalist nga si Nikki Taylor. Kini maoy gipahibawo mismo sa manager ni Nikki, Marlon Wafer ngato sa Banat Hugyaw kagahapon sa hapon, pinaagi sa text message. "Dili na lang nako padayonon kay conflict sa Palmolive Circle of 10," nagkanayon si Marlon.

Kagahapon pormal na nga gipaila ang 20 official candidates atol sa swimsuit ug talent competition, apan wala makatunga si Nikki sanglit matud pa duna kini laing appointment. Sa dihang gipangayuan og reaksyon sa Banat Hugyaw ang chairperson sa maong indigay nga si Orlando Diola kalabot sa text ni Marlon, siya miingon nga 19 na lang ang magtigi karong May 7 sanglit out na si Nikki.

Gipaningkamutan pa karon sa organizers nga sa CICC ipahigayon ang nahisgutang beauty pageant.