‘Showbiz-rock’

Launching karong Mayo 20 sa self-titled debut album sa Metal Instinct. Gi-finalize pa ang set sa mga "bug-at" nga mga bandang mo-front act alang nila. Atangi ang ubang detalye sa "BisrocKabataan" matag 10 am hangtod udto, MWF, sa Smash FM. Expected nga aduna’y mahitabong convergence of metalheads ug contemporary gospel rockers dinhi sa Sugbu. Malipayon ko ning maong kalamboan tungod kay dili lamang basta-basta nga metallers ang Metal Instinct. Sa ilang pagsulbong karon, nahimugso usab ang aggressive rock nga maoy usa sa mga direksyon sa musika nga buot nakong sud-ongon nga mokaylap dinhi.

Nagpabilin sa unang pwesto ang bandang 3Chordschoir sa gipahigayong "Touch Mobile Top 20 Txt Ur Vote". Karong Mayo 5 na ang kataposang pag-text sa mga botos kay sa Mayo 7 i-anunsiyo na sa kahanginan, via "BisrocKabataan" ang nag-unang 15 ka banda sa Top 20 nga mao lang ang makatokar sa ipahigayong Bisrock Rakrakan diha sa SSS grounds karong Mayo 12 puhon.

May mga "showbiz-rock" stuff nga mitumaw pinaagi sa text messages kon nganong ang mga kantang dili kaayo matawag og "most requested" mao man karon ang nangharos sa TM Top 20. Buweno, sa ubos nakong pag-analisar ug sa matawag ta’g mga pag-aninaw sa dagan sa mga kalamboan sa Bisrock, natural lang nga mga bag-ong kanta ang motumaw tungod kay ang mga bag-ong banda durong paningkamot man ang gihimong pag-agni sa ilang mga kapamilya, kapuso, mga kaila, barkada, mga kauban sa trabaho ug kasilinganan lakip nang mga kauyaban nga mga TM subscribers nga botaran ang ilang mga kanta. Sayon ra kining sabton kay natural lang nga ang mga bag-ong banda maningkamot pagduso sa ilang mga kanta because they still have so many things to prove pa ngadto sa Bisrockin’ community.

Usa pa, kon ang usa ka banda pinangga sa iyang mga kaubanan sa trabaho o mga classmates/textmates/chatmates o mga kahigalaan, natural lang nga bisan pa’g pila ka Touch Mobile Simpacks ang pangomprahon, kaya kaayo na nila buhaton alang sa pagsuporta sa ilang kaabag sa trabaho, higala o minahal sa kinabuhi. Andam sila og tagana mopabuhagay sa ilang gastos. Apan bisan unsa pa siguro kanindot sa kanta ug ka-talented sa banda, o katang-an na sa tinukaray, kon wala naka-establish og rapport ang mga sakop sa maong banda ngadto sa ilang mga kaubanan sa trabaho o ni bisan kinsang tawo lakip na ngadto sa mga Bisrockers, wala gyud siguro’y usa kabuok magtagad bisan pa’g ang tanan niyang numero puros TM.

Ang ako lang pangutana sa ubang mga tawo, ngano kaha nga lisod man alang kaninyo nga dawaton nga dili tanang gitawag ninyo’g "most requested song" maoy gihangop karon sa kadaghanan sa TM subscribers? Nganong lisod man sa inyong buot nga makita nga uban na sang banda ang mo-shine? We must be happy with other people’s achievement, and should be glad of this development to level the playing field for Bisrock. Bisan pa man og tan-aw nato mas daghan pang maayong laki kaysa 3Chordschoir, dili na ikalimod nga daghan ang nagtugpo kanila alang sa unang pwesto.

In fairness, nakaingon ko nga bisan unsa pa siguro kadaghan ang branches sa gialagaran nga establisamento ni Jovan Lauron, vocalista ug gitarista, kon wala pa siya’y maayong relasyon sa iyang mga colleagues, wala siguro gihapo’y padulngan ang iyang panawagan nga ang ilang mga kanta botaran. Apan ang "Tulisan" maoy milangkat sa unang pwesto. Hinoon, pressured na karon pa lang ang grupo tungod kay gi-anticipate na nilang daan nga taas na kaayo og expectations ang mga tawo sa ilang performance. Usab ilang giangkon nga duna pa’y mas labaw kanila in terms of bug-at ug astig nga performance. "Pasalamat mi sa tanan namong mga workmates nga ni-believe namo. Pagkatinood lang maayo gyud among pakigrelasyon nila, mao na nga nibati gyud sila namo karong mga panahona sa mga oras sa among panginahanglan nga masulod sa Top 20. Wala man gani mi magtoo nga ingon niini ang ilang response. Salamat kaayo mga bai sa suporta," ni Jovan pa sa dihang nahinabi atol sa iyang paghapit sa 93.1 Smash FM.

Padayon ang text your vote promo, so kadtong interesado sa listahan sa valid keywords please type MYCHOICE LIST TM and text to 2806. Kon available na ang list, please choose og valid keyword and type MYCHOICE VOTE TM <title of the song>. Example: MYCHOICE VOTE TM tulisan. Small letters ang gamita alang sa ulohan sa kanta and text to 2806. Ang usa ka numero mahimo lang makabotar makausa alang sa usa ka kanta, apan pwede siyang makabotar makaduha o makadaghan kon lain na pud nga mga kanta ang iyang pilion.

Mga pahasubo diay sa mga kabanay niadtong nahagsaan sa Huey helicopter niadtong Sabado diha sa sitio Humay-humay sa Lapu-Lapu City. Grounded na karon ang ubang mga Huey helicopters ug wa na’y rason pa nga akong ipabuhagay diri ang kahuot sa akong dughan tungod sa kapalpakan sa atong AFP modernization program. Ang maong hitabo makapahigmata unta sa atong kadagkoan sa AFP nga ipatimbang na lang nang tanang vintage choppers diha nga natata nang daan sa Vietnam War pa lang, kaysa mokalas og lain pang mga kinabuhi. Mas maayo pa pakatayan na lang na’g sikwa kaysa molupad man lagi pero tugot ra’s tabanog ang makapahagsa.

Bugsay, bugsay Message Corkboard

• Ma’m ayoza sa kantang "Asa" sa Metal Instinct. Lami au an lyrics. Gr8 d i ko sa Conde Barber Shop sa tanang trabahante. Hi d i ko sa aqng asawa nga c grace. – From Choydhegz

• Good buntag smash. Grt lng ko sa akong mga kakusa dha sa kawit, ermita. – From Roger, ang kumander sa Ermita

• Pls q gret sa bndang cute pang itoy ug sa tanang stamby sa buhisan sandayong na cla c bonjing, jovie, Kevin, bryan, gerson, and lexter. – From Jay-R

• Gr8 lng q sa tanang bsrocker ug smasher dri sa cordova plz play pangandoy by wet slipperz. Hi sad q ni thugz sa retdem ug saq yabz nga c LEN sa bankal, lapu2x. Thnx gkan ni Jay ang batang nangka