Final: Chuchay balik EB

Miabot na si Gladys Guevarra niadtong Miyerkules gikan sa San Francisco ug kumpirmado ang balita sa Banat Hugyaw duha na ka semana ang milabay nga mosulod na siya sa portion sa "Little Miss Philippines" sa "Eat Bulaga" isip ang character niyang si Chuchay.

Ang pangutana karon, unsaon man kung magkita sila ni Janno Gibbs, kay murag wala pa gihapon nahuman ang issue tali kanila? Apan ang tubag matud pa nga dili problema tungod kay three times-a-week lang mo-report si Gladys sa show ug bag-ohay lang, pipila na pod ka semanang wala mi-report si Janno sa "EB." Kasagaran man gud nga on location ang taping ni Janno sa "Lupin," nga mahuman og buntag na, maong wala na siya makareport sa "EB." Kung pananglit lang nga magkita sila sa noontime show, gisiguro nilang professional ug civil sila sa usa''g usa.