Susan: Sharon ug Vilma dili mga higala

Daghan-daghan na usab ang mga politko nga gi-endorso ni Susan Roces, pipila kanila mao sila ri Richard Gomez ug Chiz Escudero nga parehong magpapili pagka senador.

Hinungdan nga wala malikayi nga mapangutana ang Queen of Philippine Cinema kun dili ba usab niya iduso o paluyuhan ang kandidatura ni Mayor Vilma Santos nga magpapili isip gobernador sa Batangas ug ni Senator Kiko Panglinan nga bana ni Megastar Sharon Cuneta.

Apan lahi ang tubag ni Susan. "I respect them as great performers. Hindi ko naman sila gaanong kakilala. I did one movie with Sharon, I don''t think I have done one with Vilma. So I cannot claim them as my friends, " diretsong pamahayag ni Susan sa interview sa PEP.

Usa usab ka tinubdan sa PEP ang miingon nga matud pa nag-walk-out ang grupo ni Susan atol sa birthday party ni Rudy Fernandez ning bag-o lang. Ang gitumbok nga hinungdan mao ang giingong pag-abot usab nila ni Sharon ug Kiko.

"Ang importante sa akin, anong klaseng kaibigan sila. Totoo may mga kaibigan, mga fair-weathered friends. At hindi ko na kailangan banggitin ''yan. Kung sila ay nanonood, alam na ninyo kung sino kayo. So mga ganoong klaseng kaibigan, no love lost," labtik usab ni Susan sa interview sa Startalk niadtong Sabado.