Ryan dunay infection, Juday nangatol

Gikatahong gidala sa Asian Hospital and Medical Center sa Ayala Alabang tungod sa viral infection si Ryan Agoncillo kagahapon.

Kini maoy mensahe nga nadawat sa PangMasa gikan sa manager ni Ryan mismo.

Suma pa nga ang uyab niini nga si Judy Ann Santos aduna usay mga rashes ug wala pa sila makasigurado kung aduna ba silay nakaon nga maoy hinungdan niini. Adunay mga blood test pa nga himoon ngadto kang Ryan, lakip na niini ang blood test para sa dengue ug wala pa kini resulta. Kagahapon birthday ni Ryan.

Rudy nag-relax na sa balay

Nagpahuway na lamang si Rudy Fernandez sa hospital ug hutdon na lamang og inom ang antibiotics niya hangtud karon Miyerkules, text ngadto sa PangMasa ni Lorna Tolentino.

Kahinumduman nga kinahanglan nga mokanaog sila si Rudy ug Lorna kauban ang ilang mga anak, gikan sa Tagaytay niadtong Holy Week tungod kay gihilantan si Daboy human mikaon ug diretso na siya sa hospital. Niadtong Easter Sunday, nawala ang hilanat ni Rudy ug okay na pod ang mga test kaniya, busa nagpasalamat sila sa mga pag-ampo para sa pagkaayo ni Rudy.

Sa sunod semana na nila ipadayon ang check-up ni Rudy sa Hong Kong.

Robin gipa usab ang script?

Dili ganahan si Robin Padilla nga mabitin ang taping sa "Asian Treasures" niadtong Lunes, maong nag-chance passenger siya gikan sa Australia to Hong Kong to Manila pero wala gihapon siya makasakay sa Hong Kong tungod sa kadaghan sa mga pasaherong pabalik sa Pilipinas.

Hinungdan nga pag-abot ni Robin kagahapon diretso na siya sa set sa Asian Treasures.

Sa katapusang semana sa Abril, mogawas na pod sila ni Angel Locsin, Marvin Agustin ug Diana Zubiri para sa taping sa "AT" sa Beijing ug Macau didto sa China.

Samtang dunay nahipos nga taho ang Banat Hugyaw nga matud pa gikonsabo ni Robin ang ilang direktor nga si Eric Quizon, aron usbon ang nahimutang sa script. Matud pa gihangyo ni Binoy si Eric nga butangan og kissing scene ang ilang eksena ni Angel.

Pwes ang pangutana sa mga himantayon, nadutlan na ba si Robin kang Angel? Atangi!

Kakapoy, kainit nakapa-ospital ni Jen

Naka-Super Twins costume pa nga gidala si Jennylyn Mercado sa New Era Hospital niadtong Lunes sa hapon tungod sa paghuot sa iyang dughan ug naglisod siya sa pagginhawa.

Suma pa sa PangMasa kasamtangang nagtaping sa "Super Twins" sa Tierra Pura dihang naglain ang pamati sa dalaga hangtud sa gilisuran na siya sa pagginhawa, hinungdan para dad-on na siya sa tambalanan.

Samtang gidagan na siya padung sa tambalanan kay nagsugod nang mikolor og talong (violet) ang mga kuko ni Jen hasta ang iyang ngabil maong hilabihang kulbaa sa mga kauban niya.

Pag-abot sa ospital kay gipatangag dayon og oxygen si Jen ug pagkahuman kay nimaayo na pod ang iyang pamati. Tungod sa sobrang kainit sa panahon ug stress maong naglisod og ginhawa ang dalaga.

Taud-taud kay miadto na ang boyfriend nga si Patrick Garcia sa ospital para mahibaloan ang kahimtang ni Jen. Naa sa taping pod kini niadtong mga panahona ug wala lang makakuyog kay aduna siyay take.After sa take kay naka-costume pang misunod si Patrick, ug misunod si Nadine Samonte nga usa pod sa kauban nila sa "Super Twins". Sayo pa sa kagabhion dihang gitugutan sa doktor si Jen nga makagawas ug gitambagan na lang nga mopahuway. Pero tungod kay aduna pay gitanduan nga engagement midiretso una si Jen sa Taguig, una siya mipauli. Okay na si Jen karon ug back to work na.