Ang Miss Teen ug ang kinaiyahan

Dili lamang paguapahay ug pautokay ang tigi nga mahitabo karong tuiga sa Miss Teen Philippines sanglit sa labing unang higayon, nagkumbuya na ang Department of Environment and Natural Resources (DENR), ug ang nagduma sa maong pageant mismo.Kini maoy rason ngano nga ang tema karong tuiga mao ang "Au Natural… Love Nature." Gani ang gown competition gipaabot nga jewel and birthstone inspired. Ang tanang mga kandidata usab gipasalmot sa mga nagkadaiyang aktibidad nga nagpaduol nila sa kalikupan sama sa nature tripping, yoga, fitness, ug whatnot.

Isip role model sa mga kabataan, ang makoronahan mamahimong national spokesperson para sa YES! Inc. para sa programang gitawag og "Youth Leading The Youth", matudlo usab siya nga Mother Nature's Ambassadress sa DENR. Madawat pod niya ang P100, 000.00 in cash, scholarship sa international youth-related conventions, four-year college scholarship, enrollment sa personality development program, gift packs gikan sa mga sponsors ug three weeks educational trip sa Paris, London, Madrid o Tokyo.

Makadawat usab siya og sponsorship package for one year gikan sa Yes! Environment. Lakip niini ang training for capacity-building, environmental education, media build-up, ug national and international exposures parehas sa South East Asia Youth Forum.

Ania ang ikaduhang lima, sa 13 tanan ka mga kandidata nga magtigi sa titulo dinhi sa Central Visayas aron maoy mosalmot sa nasudnong bangga. Ang unang lima, amo na nga gipaila diha ninyo niadtong milabay nga Martes, Abril 3.

6. Charmaine Hallen Yba, "Charmaine", 17 years old gikan sa University of San Jose Recoletos. Isip role model, ganahan niyang awhagon ang mga batan-ong Pilipino nga nahisalaag sa pagbag-o sa ilang kinabuhi ngadto sa katarung.

7. Vivien Mariz Gajudo, "Vien", 16 years old, senior student sa CIC. Isip legacy, tagaan niya og pagtagad ang proyekto sa Edukasyon, kay para niya, kung adunay maayo ug saktong edukasyon ang mga batan-on, mogamay ang mga problema sa nasud.

8. Angeli Tampus, "Angel", 18 years old, nursing student sa University of San Carlos (USC). Matud pa ni Angel, angayan siyang makadaug kay 'real" siya ug dili "artificial".

9. Aimer Jane Dy, "Aimer", 18 years old, sophomore student sa USC. Para niya aduna siyay character maong angayan siyang makadaug. Ug bililhon kaayo niya ang oras kay para niya mituo siya sa panultihong, "Time is Gold".

10. Grace Jumao-as, "Grace", 18 years old, BS Biology student sa USC. Duha ka isyu sa mga batan-on karon ang matud pa niya maoy iyang hatagan og pagtagad, una mao ang drug addiction, ganahan niyang mahinumduman siya nga nakatabang og dako sa pagsulbad sa maong problema. Ikaduha, sa pagreserve sa trait nga "conservatism", bisan tuod naimpluwensya na ang mga batan-on sa ubang nasud, ganahan niyang ipabilin ning batasan sa usa ka dalagang Pilipina.

Alang sa dugang kasayuran labot sa maong indigay tawga ang StyleFirm at (032) 253- 0935 or Q4 Ads at (032) 233- 3331.