Theme song sa ‘Lupin, hugyaw

Karong gabii na magsugod ang labing bag-o ug labing ambisyoso nga proyekto sa GMA-7, ang "Lupin" diin bida si Richard Gutierrez. Mosunod kini sa "Super Twins."

Suma pa sa mga himantayon nga gawas nga daghan ang nag-atang nga magtigi sa ka-sexy ang mga babaye sa Lupin, sama nila ni Katrina Halili ug Ehra Madrigal, daghan usab ang nagpaabot nga makita ang chemistry tali nila ni Richard ug sa bag-o niyang leading lady, si Bb. Pilipinas 2nd runner-up Abbygael Cruz.

Dugang pa nga nindot usab ang theme song nga haom kaayo sa nahisgutang action/drama nga si Janno Gibbs ang nag-compose sa music and lyrics. Gi-arrange kini ni Tats Faustino ug si Janno pod ang nagkanta.

Joseph Bitangcol "exhibitionist"

Sumsuman karon sa intriga ang ABS-CBN talent nga si Joseph Bitangcol, ilabi na sa pipila ka Internet websites. Ang nakoykoyan sa Banat Hugyaw nagkanayon nga dunay pagka "exhibitionist" ang nahisgutang young aktor ilabi na kon mahubog.

Ang tsika mao nga kun ulipon na sa ispirito sa ilimnong makahubog ang maong uyab ni Sandara Park andam kining mopakita sa pribadong bahin sa iyang pagkalalake, bisan pa og wala siya makaila sa iyang kaatubang.

Wala gihapoy hunong ang tsika nga si Joseph ang sunod nga target ni Keanna Reeves, human usab nangangkon ang PBB Celebrity Big Winner nga nagtigiay sila sa kalipay ni Cogie Dominggo.

Kahinumduman nga nangangkon si Keanna nga duna silay sex video ni Cogie, ug nga matud pa duna usab siyay gitago nga mga sensitibo nga mga hulagway nilang duha ni Cogie sa iyang cellphone, gawas nga gi-save usab niya ang mga mensahe sa aktor pagmatuod nga nahitabo gayud sila.

Apan si Joseph nga nakuhaan og reaksyon igo lamang mipahiyom, dayong ingon nga ‘faithful" siya ngadto ni Sandara.

Samtang nasayran sa Banat Hugyaw nga atua na karon sa San Francisco California si Cogie, diin nagbakasyon siya kauban ang iyang inahan ug igsuon. Magpabilin siya ngadto balig duha ka buwan, diin laraw sa iyang mommy nga patunghaan siya og automotive.

Irish ug Jay-R naglami?

Mismong ang kampo na ni Irish Fullerton ang namahayag nga angayang ipadaplin una ang intriga nga duna na silay espesyal nga relasyon ni Mark Bautista, human usab dunay mga fans sa naulahi nga medyo wala makauyon sa nahisgutang PDA scholar.

Matud ni Irish, career una niya ang priority karon sanglit nagsugod pa lamang siya. Apan dungan sa pagpamahayag ni Irish niini, mibuto ang taho nga " she and Jay-R Siaboc are playing sweet music together."

Pwes ang verdict sa mga himantayon, walay dautan kun tinood kini sanglit hagbay ra nga giangkon ni Iya Ginez nga buwag na sila ni Jay-R tungod kay gipili sa naulahi ang iyang career kaysa gugma.

Samtang karong adlawa gikatakda nga molupad ang PDA Top 6, nga sila si Yeng, Jay-R, Irish, Ronnie, Panky ug Chad, alang sa ilang US Concert Tour.

Sugdan kini karong April 13, sa Plaza Casino & Hotel in Las Vegas; April 14 sa Los Angeles ug April 22 sa San Diego, California.