Anne walay pahuway

Holy Thursday and Good Friday ra ang pahuway ni Anne Curtis tungod kay showing na karong Saturday, April 7, ang movie nilang "Ang Cute Ng Ina Mo" nga co-production venture sa Viva Films ug Star Cinema, busa busy siya sa mall tours kauban si Luis Manzano. Si Ai-ai delas Alas ang bida niini.

Subli gihimakak ni Anne nga sila na gyud ni Luis, ug maoy iyang gipanghingusgan nga soulmates lamang sila ug bestfriends sulod sa pito na katuig.

Subli niyang gipahibaw nga extended ang " Maging Sino Ka Man" hangtud May 2007. Gitug-an ni Anne ngadto sa PangMasa nga sa July, 2007, molupad siya paingon sa Australia para mag-host sa Gawad Kalinga beauty pageant nga ang kita, ihinabang sa Gawad Kalinga dinhi sa Pilipinas para itukod og mga balay alang sa mga pobre nga walay kapuy-an.

Last year, matud ni Anne mikita ang maong pageant og $ 90,000.