Angelica makalibog ug naglibog

Naglibog ang entertainment press sa tubag ni Angelica Panganiban labot sa tinuod nila nga relasyon karon sa hunk/actor nga si Derek Ramsey.

Suma sa PangMasa nga sa sinugdan, niangkon si Angelica nga duna na silay "espesyal nga relasyon" ni Derek, apan pagkataud-taud miingon napod siya nga mismo siya wala ka sabot unsa gyuy real score nilang duha. "Pero hindi ko talaga alam kung kami na. Confused din ako," aniya.

Miangkon hinoon siya nga mag-date sila ni Derek, manan-aw og sine ug kung moadto ang ulitawo sa balay niya, iya pod ning lutuan.

Kung sauna corned beef lang ang iyang idalit, karon kay nadungagan na kini og spam, hotdog, ug pancit canton.

"’Yun lang kasi ang kaya kong lutuin, eh," rason ni Angel.

Usahay kay siya ang imbitahon ni Derek sa balay niini kauban ang uban nilang mga higala.

"Basta ganu’n lang kaya hindi ko talaga alam," pahayag sa aktres.

Apil si Angelica sa "Rounin" diin siya si Aura nga dunay relasyon sa pareho niya nga Rounin nga si Juris nga gidala ni Luis Manzano. Duna silay intimate lovemaking ug torrid kissing.

Samtang nasayran pod sa PangMasa nga nagpadayon ang shooting ni Angelica sa movie niya with Maricel Soriano ug Aga Muhlach diin dunay mga eksena nga adto himoon sa Hongkon.

Rounin, Abril 16 magsugod

Human mabiktima og ubay-ubay nga super typhoons nga maoy hinungdan nga nagsige og kaguba ang ilang set, pormal na nga moukas ang labing grandioso nga project sa ABS-CBN, ang Rounin.

Kapin sa usa ka tuig ang taping sa Rounin, ug gani nasayran sa PangMasa nga duna pay pipila ka eksena nga wala pa mahuman. Nagkadako ug nagkadako usab ang gasto sa maoy proyejto, apan matud pa sa ABS-CBN wala na nila kini huna-hunaa, ang importante makadalit sila og lahi ug nindot nga produkto ngadto sa televiewers.

Lima ka palasyo ang gitukod alang sa maong project, nahimutang kini sa 44 ka ektaryang abandonadong cement factory sa Binangonan, Rizal; wala usay puas ang martial arts training sa lead stars sukad pa niadtong 2005.

Ang lead stars mao sila si Diether Ocampo, Luis Manzano, Angelica Panganiban, Rayver Cruz, Shaina Magdayao ug Joross Gamboa.

Human maguba ang ilang set tungod sa bagyong Milenyo, hingpit na nga maaninaw sa telebisyon ang Rounin karong Abril 16.

Polo ug Ara, di pagamit ni Zara

Walay plano sila si Ara Mina ug Polo Ravales nga sakyan ang mga patutsada ni Viva Hotbabe Zara Lopez kalabot sa nahitabong relasyon nila sa aktor.

Sa managlahi nga interview sa PangMasa, aminado sila si Polo ug Ara nga nagpatagad lamang si Zara tungod kay taud-taud na kining nawala sa sirkulasyon, ug mao kini ang iyang paagi aron maalegre og balik ang iyang career.

No comment usab si Polo, tungod kay matud pa niya kun dunay angay malambigit niya, kini mao ang iyang mga co-star sa sexy movie entittled ‘Silip," si Diana Zubiri ug Francine Prieto.

Nabalita dinhi sa Banat Hugyaw kagahapon nga miangkon si Zara nga mas una pa siya sa kinabuhi ni Polo kay ni Ara, gani nahitabo ang "milagro’ tali nilang duruha sa kotse mismo sa aktor.