Spectacular kono ang mass wedding

Before anything else diay tuod, akong tawgon ang tanang mga senior citizen nga wa pa ma-circumcise, duna kono'y libreng pagpanuli diha sa Gullas Medical School alang sa mga senior citizen, so go dayon, aron dili mo kantyawan sa inyong mga kauyaban. Ug ang mga senior citizen nga hangtod ron ga-live-In pa jud, ug wa pa jud makasal, pakasal na intawon mo. Karong Marso 31, dunay gikatakdang bongga kono kaayong mass wedding diha sa Sto. Rosario Parish sa about 12 high noon para sa 100 ka mga tawo nga ga-live-in ug wa pay blessings, pero sorry, kay sumala pa's mga organizers nga gipangulohan sa city government pinaagi nilang City Councilor Gerry Carillo, ug Kai Kai Alfafara [asawa ni Cogon Ramos Barangay Captain Danny Alfafara] ug Angela Calina kompleto na jud kono ang listahan ug dili na kadungagan, so kamong wa pa jud makasal ug gapaabot og libreng kasal, usahay mag-announce pod nas Leo Lastimosa og mass wedding, ug definitely, sila's Jonkie Ouano ug Madame Edith Flores Cabahug ug uban pa, ug paluyohan jud na pirme ni Madame Lollipop Ouano Dizon og, yes mga manash, apil na jud kono sa grupo si Maam Joy Ouano ug si Hon. Mary Ann delos Santos [way labot si Manny de los Santos Rabacalzz].

Pero take note mga manash, gaingon gyod sila's Kai Kai Alfafara ug Angela Calina nga bongga as in bongga ang ila, ug very spectacular jud kono kaayo, kay human sa wedding, pasakyon og mga inadornohang mga tartanilya ang mga kinasal, gikan sa Sto. Rosario Parish paingon ngadto sa Abellana National School ug Cebu City Sports Complex, diin, adto jud didto ang kombera ug mga echos de entertainment numbers aron ang gikasal kono, dili jud malimot sa ilang kasal ug mahimo kining labing halandumong bahin sa ilang kinabuhi labi na kay himoon na jud konong legal children ang ilang mga illegitimate children sa wa pa sila makasal. Now, Jonkie Ouano, Maam Joy Ouano, Maam Edith Flores Cabahug, ug Maam Lollipop Ouano, kahimo mo ana?