Starstruck OkRyan Chuva

Gidumog sa mga Sugbuanon ang Starstruck Final 6 diha sa SM Entertainment Plaza niadtong Martes sa hapon. Makabungog ang singgit sa mga fans nga midahunog sa palibot. Hugyaw to the max tungod sa mainitong suporta ang gihampak sa mga Sugbuanon ngadto sa Survivors. Of course labing in demand nilang tanan ang Boholana nga si Rich Asuncion. Human sa autograph signing ug picturetaking diretso na sila sa Krua Thai Restaurant alang sa pakighimamat nila sa Cebu Press. Pwes ania ang mga hagawhaw luyo sa camera.

• Aljur- sobra ka confident to the point nga hambugero na paminawon. Suma pa niya si Mart ang angayan nga matangtang tungod kay nahimo na kining avenger busa huyang na kini. Sa pangutana kinsa ang angayan nga Ultimate Hunk tubag niya siya, siya pod matud pa niya ang haom alang sa Ultimate Loveteam. Hala iya na lang tanan! Dugang pa niya wala na siya'y problema sa Starstruck Council, text votes na lang ang angayang trabahuon. Walay preno sa iyang pagpadayag sa iyang dakong gusto ngadto ni Kris.

• Kris-mas gwapa sa personal. Nindot ang katawa pero bata gyud kaayo og dagway. Suma pa niya giingnan siya ni Aljur nga magpaabot ang naulahi nga sugton niya human sa Starstruck. Apan ang iyang tubag. "Magaling siya, mabait, pero career talaga ang priority ko," nga gitubag ni Aljur og "okay lang po rerespetuhin ko po ang desisyon nya."

• Prince-paraygon, labihan ka matinud-anon ang mga pulong nga mogawas gikan sa iyang baba, mapaubsanon ug tataw kaayo diha sa iyang mga pinong lihok nga respetado siya nga pagkabata. Kung imo siyang mahinabi sa personal, kanunay niya ipamulong ang iyang panghinaot nga mabatyagan ang pagmahal gikan sa tinood niyang ginikanan. Singing ang iyang pambato, lig-on nga bet alang sa Ultimate Hunk!

• Rich- Definitely a sweetheart, a darling. Very guapa in person, ang iyang mga mata puno sa expression. Sama ni Prince, mapaubsanon, matinud-anon ang mga pulong. Wala kay mabantayan nga "kaplastikan." Suma pa niya 90% sa ilang mga gamit sa balay, hinatag sa ilang mga higala. Dugang pa niya buotan gyud ang Ginoo kay bisan sa ilang kalisod mi-survive gihapon sila. Dako nga pahat sa iyang P4,000 nga weekly allowance sa Starstruck ipadala niya sa iyang pamilya sa Bohol.

• Jewel-Puno sa "po at opo," apan dili nimo mabatyagan ang sinseridad. Guapa pero sum-ol madugay nimog tan-aw ang iyang dagway. Murag gigamit ra ang Avenger nga si Paulo aron makuha og atensyon.

• Mart- Guapo. Typical dark and handsome ala Richard Gomez. Dili tantong taas. Pwede pang-hunk. Naibog ni Kris pero sa hilom lamang kay nahadlok nga magka-engkwentro sila ni Aljur.