Luis ug Irish dunay 'Your Song'

Adunay bag-ong doggie si Irish Fullerton, finalist sa "Pinoy Dream Academy," ang toy poodle nga si Rexy, busa gipangutana siya sa PangMasa kung hinatag ba kini ni Mark Bautista? Ug matud pa ni Irish siya mismo ang mipalit para naa siya'y makauban kay mibalik na ang iyang inahan sa Los Angeles, California.

Gipangutana usab si Irish kung nangulitawo ba gyud niya silang Mark ug Luis Manzano. Gitin-aw niya nga duha ra ka beses silang nagkauban ni Mark, niadtong mikanta sila sa birthday party ni Anne ug niadtong nanan-aw sila sa concert ni Vina Morales sa Araneta Coliseum. Friends lamang sila ni Luis ug first time nilang magkapares sa usa ka episode sa "Your Song" ug mag-taping na sila niini sa Boracay karong Marso 20 ug 21.

Ai-ai duna na poy uyab

In-love na pod si Aiai de las Alas. Again, with somebody younger. Wala lang niya gisulti kung taga-showbiz ba ang iyang bag-ong minahal.

Sunod nga pangutana sa PangMasa mao nga posible ba kahang sa Hulyo na ang kasalang mahitabo ni Ai-ai ug sa iyang bag-ong minamahal? Wala mitubag si Ai-ai kabahin ani

Dungan niini giisip ni Ai-ai nga para iya gyud ang "Ang Cute Ng Ina Mo," tungod kay ingon niini gyud ang isulti sa iyang mga anak ngadto niya pirmi.