Cesar hayan mag-gobernador na lang

Posibling moatras si Cesar Montano sa iyang kandidatura pagka senador sanglit hangtod karon wala pa gihapon moabot ang pondong salapi nga gisaad sa Malacanang kaniya.

Sa balita sa 24 Oras kagabii medyo nagpasumbingay si Cesar nga moatras siya apan mosalmot gihapon siya sa politika. Wala hinoon niya giklaro pa kun ihinayon ba niya ang unang laraw nga magpapili isip gobernador sa Bohol.

Ang beterana nga kolumnista sa PangMasa, Manay Lolit Solis miingon nga kinahanglang tarungon sa Malacanang ang problema tungod kay dako ang gisakripisyo ni Cesar dihang gidawat niya ang tanyag nga mokandidato isip senador.

Traynta milyones (P30, 000, 000.00) ang kantidad sa talent fee nga gisugal ni Cesar, puli sa senatorial bid niya.

Dugang pa ni Manay Lolit nga dili pwedeng ilimod sa mga katiket niya nga crowd drawer si Cesar sa mga kampanya nga adtuan nila.

Sure si Manay Lolit nga si Cesar ang gustong makita sa mga tawo ug siya ang pirming ulahing pasultihon para dili dayon layasan sa mga tawo ang kampanya.

Gikataho na nga dili mo menos P200 million ang gikinahanglan alang sa malampuson nga senatorial bid.

Mommy ni Piolo katawa na lang sa 'bayot' isyu

Gikataw-an lang sa inahan ni Piolo Pascual ang mga intriga batok sa iyang anak, nag-una na niini ang mga peke nga hulagway nga mikatap sa Internet diin kauban niya sila si Erik Santos ug Sam Milby, ingon man natoki pod ang dugay na nga tsika nga bayot ang aktor.

"Sanay na ako, eh. Sabi nga, good or bad, it's still publicity. Kaya lang, nalulungkot lang kami du'n sa mga taong nadadamay tulad nina Sam at Erik. Sabi nga niya (Piolo), okay lang daw kung siya lang pero nakakahiya naman daw du'n sa mga taong nadadamay," pong pa ni Mommy Amy ngadto sa PangMasa. Direkta pod nga giklaro niini nga dili bayot ang iyang anak.

"Of course, I know he's not. Anak ko siya, kilala ko siya. Kung kilala lang nila ang anak ko, hay naku, hindi nila iisipin 'yun. Natatawa nga 'yung mga pinsan niyang lalaki sa tsismis at sabi nga nila sa akin, kung alam lang daw ng lahat na mas masahol pa sa kanila si Piolo."

Bisan niadtong naa pa sa Amerika ang aktor ug dili pa kini artista, wala kini laing gihimo kundi ang sige og date og lain-laing babaye, suma pa ni Mommy Amy.

"Naku, halos ipagtulakan ko na ngang mag-asawa 'yan. Pero walang makita, eh. O baka naman dahil sa nadala na nga siya. Kahit siya naman, gustong-gusto na rin niyang mag-asawa pero siguro, talagang hindi pa niya nakikita 'yung tamang babae," asoy pa sa inahan.

Nausik gani siya kay wala nagkadayon silang Juday ug Piolo. Naunhan hinoon siya ni Ryan Agoncillo. "Wala, mahina, eh," binoang pa ni Mommy ngadto sa PangMasa.

Samtang gipahibawo ni Mommy Amy nga nadugay na pod ang shooting sa pelikula ni Piolo ug Regine Velasquez kay mogawas ang Asia's Songbird sa nasud. Pero nasugdan na ang movie.