Tigi sa mga hari sa campus

Batan-on, ambungan, makadani ug mga utukan. Human sa hinashasay sugod niadtong milabay nga tuig, 26 ka mga adonis ang napili aron maoy mag-ilog isip Mr. Campus Face 2007 sa Sugbu. Pipila unya kanila ang makabaton og kahigayonan nga maoy sunod nga kagubtan sa natad sa showbiz, telebisyon ug lakip na ang modeling world.

Ang mga kandidatu mga tinun-an sa high school ug kolehiyo gikan sa nagkadaiyang tunghaan sa dakbayan sama sa University of San Carlos (Talamban, North ug Main Campus), University of Cebu (High School, METC, Main ug Banilad Campus), University of San Jose Recoletos, Cebu Normal University, Cebu Institute of Technology, Cebu Eastern College, Salazar Institute of Technology ug Camp Lapu-Lapu National High School.

Kasagaran sa mga nasulod isip official candidate personal nga mibisita sa Mr. Campus organizer, samtang dunay uban nga miduso sa ilang interes nga mosalmot pinaagi sa Internet, usa na kanila mao ang Fil-Korean nga Kim Tae Hwan sa CEC.

Naturalmente, ang 26 ka mga kandidatu maoy mihaom sa gipangita sa mga organizers, 5'6 ang gitas-on, nagpangidaron ug 15 ngadto sa 21 anyos, kinahanglan nga kasamtangang nagtungha ug dunay X-factor ug kaalam nga sarang niyang kasaligan aron mosikat.

Gipahigayon na ang Talents Night niadtong Sabado, diha sa MCWD Social Hall diin napili nga maglangkub sa Top 5 mao sila si Severiano Capisnon (CNU), Gregi Echavez (USJ-R), Arvin Ryan Alejandrino (UC-METC), Dennis Tangkay (USC-TC) ug si Gianne Paolo Anciano (USC-Main). Sa pageant night karong Marso 17 diha gihapon sa MCWD Social Hall, ipahibawo ang Best in Talent. Ang mga special awards mao ang Discovery of the Year, Best in Talent, Mr. Charity, The Camaraderie Man, Mr. Press Favorite, Mr. Photogenic, Fun Wear, Best in Production, Best in Formal Wear/Barong, Mr. Vitagensing, Mr. Livermin, Mr. Placenta, Mr. Hot Men ug ang Globe Texter's Choice. Ang pamaagi sa pagbutar mao ang pagtype og <MYCHOICE>space<VOTE>space<CFCEBU>space<name of the candidate> ug I-send kini sa 2806 para sa TM ug Globe subscribers.

Ang makoronahan isip Mr. Campus Face makadawat og Php 15, 000 cash, roundtrip for two (Cebu to Boracay), one year talent contract ubos sa ImagenaX Artists & Media (IAM). Ang first runner-up makadawat usab og Php 10, 000 samtang ang second runner-up, Php 5, 000. Ang tulo ka mananaog makadawat usab og usa ka roundtrip to Manila-Cebu via Sulpicio Lines, trophy ug gift pack gikan sa mga sponsors ug one year free training/membership for Self Defense Mixed Martial Arts Club.

Ang top 12 (gikan sa top 15) makakuha usab og tag-Php 500.00. Ang tulo ka mga mananaog maoy ipadala ngadto sa Manila aron morepresentar saVisayas para sa National Finals sa Marikina karong Hunyo.

Gipaabot nga magmabulokon unya ang final night, kauban ang garbo sa Sugbu ug one and only Born Diva nga si Raki Vega. Ang executive director ug ang over-all director sa maong pageant night mao ang Manila-based director nga si Direk RC Perez. Ang mga hosts mao sila si Jan Michael Contreras ug ang VJ/DJ sa Killer Bee ug RCTV 36 nga si Monica Yncierto.

(Para sa dugang nga impormasyon kabahin sa Mr. Campus ug sa ticket mamahimong motawag sa Events and More Philippines at 255-3552 o text/call sa 09057925480).