Andrew school ang priority

Subling gitin-aw ni Andrew Wolfe nga talikdan una niya ang showbiz tungod kay labihan ang kadaot nga nahimo niini ngadto sa iyang imahe human sa mga kontrobersya nga gilambigit kaniya, sama sa bati nga break-up nila ni Gwen Garci, rambol nila ni Rommel Montano nga milaban pod si Cesar ug ang hamubo nilang relasyon ni Keanna Reeves.

Apan gitin-aw niya nga dili tinood ang yawyaw ni Gwen nga mipauli na siya sa England aron adto magpakahilom, the truth matud pa niya mao nga gibaligya na niya ang iyang kabtangan didto ug gikuha pod niya ang iyang transcript of records sa Bristol University.

Computer System Engineering ang iyang kurso didto apan matud pa niya nga wala siya makagusto niini. Laraw niya nga mopadayon og tungha dinhi sa Pilipinas karong tuiga, ug iyang giingnan ang iyang manager nga si Douglas Quijano nga dili una siya mag-showbiz samtang init pa kaayo ang isyu batok niya.

Hinoon dili niya talikdan ang modeling, ug gani, siya ug si Pauleen Luna dunay gi-endorso nga produkto pampaputi ug pampahamis.